വി.എച്ച്.എസ്.ഇ. ഒന്നാം വർഷ ക്ളാസുകൾ ആരംഭിച്ചു

പെരിന്തൽമണ്ണ ഗവ. വൊക്കേഷണൽ ഹയർസെക്കണ്ടറി സ്‌കൂളിൽ ഒന്നാം വർഷ വി.എച്ച്.എസ്.ഇ. ക്ളാസുകൾ ആരംഭിച്ചു. സ്‌കൂളിൽ നടന്ന ലളിതമായ പ്രവേശനോത്സവത്തിൽ രണ്ടാം വർഷ വിദ്യാർത്ഥികളും അധ്യാപകരും ചേർന്ന് പുതിയ വിദ്യാർത്ഥികളെ സ്വാഗതം ചെയ്തു. എം.എൽ.ടി. അധ്യാപിക അമ്പിളി. എൻ. ചടങ്ങിന് സ്വാഗതം ആശംസിച്ചു. പ്രിൻസിപ്പൽ രാജീവ് ബോസ് ആമുഖപ്രഭാഷണം നടത്തി. അധ്യാപകരായ ഉഷ.പി.കെ., സിന്ധു. കെ., രശ്‌മി. കെ., രാധിക.എം.ജി., അരുൺ ശങ്കർ, ഷെഫ്ളിൻ. എൻ.എ., ഷിഹാബുദ്ദീൻ. വി.കെ. എന്നിവർ സംസാരിച്ചു.

അന്താരാഷ്ട്ര യോഗ ദിനം - ജൂൺ 21, 2018

പെരിന്തൽമണ്ണ വി.എച്ച്.എസ്.ഇ. യിൽ അന്താരാഷ്ട്ര യോഗ ദിനം ആചരിച്ചു. യോഗ പരിശീലകനായ ശ്രീ. സൈനുലാബ്ദീൻ വിദ്യാർത്ഥികൾക്ക് യോഗ പരിശീലനം നൽകി. അധ്യാപകരായ അമ്പിളി. എൻ., അരുൺ ശങ്കർ,  ഷിഹാബുദ്ദീൻ. വി.കെ. എന്നിവർ നേതൃത്വം നൽകി.

വായനാദിനം - ജൂൺ 19, 2018

മലയാളിയെ അക്ഷരത്തിന്റെയും വായനയുടെയും  ലോകത്തേക്ക് കൈ പിടിച്ചുയർത്തിയ പി. എൻ. പണിക്കരുടെ ചരമദിനമായ ജൂൺ 19 വായനാദിനമായി ആചരിച്ചു. ഹയർസെക്കന്ററി വിഭാഗം മലയാളഅദ്ധ്യാപകനും എഴുത്തുകാരനുമായ ശ്രീ. അശോക് കുമാർ പെരുവ മുഖ്യാഥിതിയായിരുന്നു. വായന അന്യം നിന്ന് പോകുന്ന ഈ കാലഘട്ടത്തിൽ വായനയുടെ പ്രാധാന്യവും വിവിധ ഘട്ടങ്ങളിൽ ഉള്ള വായനയുടെ വളർച്ച, മാറ്റങ്ങൾ എന്നിവയും അദ്ദേഹം തന്റെ പ്രസംഗത്തിൽ എടുത്തു പറഞ്ഞു. വി.എച്ച്. എസ്. ഇ. പ്രിൻസിപ്പാൾ രാജീവ്‌ ബോസ് , കരിയർ മാസ്റ്റർ അരുൺ ശങ്കർ, അധ്യാപകരായ രാമൻ പി. പി., രാധിക എം. ജി. തുടങ്ങിയവർ സംസാരിച്ചു. വി. എച്ച്. എസ്. ഇ. "ഡ്യൂ ഡ്രോപ്‌സ്" കോർഡിനേറ്റർ  ഷിഹാബുദീൻ. വി. കെ. നേതൃത്വം നൽകി.

കരിയർ മാസ്റ്റർ ശ്രീ. അരുൺ ശങ്കർ സ്വാഗതം ആശംസിക്കുന്നു

അധ്യക്ഷ പ്രസംഗം പ്രിൻസിപ്പൽ ശ്രീ. രാജീവ് ബോസ്

മുഖ്യാതിഥി ശ്രീ. അശോക് കുമാർ പെരുവ സംസാരിക്കുന്നു

ശ്രീമതി. രാധിക. എം.ജി. സംസാരിക്കുന്നു

ശ്രീ. രാമൻ പി.പി. സംസാരിക്കുന്നു

കുട്ടികളുടെ മരം - ജൂൺ 14, 2018

ലോക പരിസ്ഥിതി ദിനത്തോടനുബന്ധിച്ച് പെരിന്തൽമണ്ണ വി.എച്ച്.എസ്.ഇ. യിൽ വിദ്യാർത്ഥികൾക്ക് വൃക്ഷത്തൈകൾ വിതരണം ചെയ്‌തു. വിദ്യാർത്ഥികൾ സ്‌കൂളിൽ വൃക്ഷത്തൈകൾ നടുകയും അവ പരിപാലിക്കുമെന്ന് പ്രതിജ്ഞയെടുക്കുകയും ചെയ്തു. 'കുട്ടികളുടെ മരം' എന്ന പദ്ധതിയുടെ ഭാഗമായാണ് വിദ്യാർത്ഥികൾക്ക് തൈകൾ നൽകിയത്. പ്ലാസ്റ്റിക് വിമുക്ത ക്യാംപസ് പ്രവർത്തനങ്ങൾക്ക് തുടക്കവുമായി. 'ഹരിതം' പദ്ധതിയുടെ കോഡിനേറ്ററായ ശ്രീമതി. രശ്മി. കെ. നേതൃത്വം നൽകി.

നവനീനം സ്വാഗത സെമിനാർ - ജൂൺ 13, 2018

വി.എച്ച്.എസ്.ഇ. കോഴ്‌സുകളുടെ സാധ്യതകളെയും അവസരങ്ങളെയും കുറിച്ച് വിദ്യാർത്ഥികളിലും രക്ഷിതാക്കളിലും അവബോധം സൃഷ്ടിക്കുന്നതിന് വേണ്ടിയുള്ള സ്വാഗത സെമിനാർ 'നവനീനം - 2018, വി.എച്ച്.എസ്.ഇ. കരിയർ ഗൈഡൻസ് ആൻഡ് കൗൺസലിങ് സെല്ലിന്റെ ആഭിമുഖ്യത്തിൽ സംഘടിപ്പിച്ചു. പി.ടി.എ. പ്രസിഡന്റ് ശ്രീ. വി. മുഹമ്മദ് ഹനീഫ സെമിനാർ ഉദ്ഘാടനം ചെയ്തു. പി.ടി.എ. വൈസ് പ്രസിഡന്റ് ശ്രീ. കെ.എ. ഖാലിദ്, വി.എച്ച്.എസ്.ഇ. പ്രിൻസിപ്പൽ ശ്രീ. രാജീവ് ബോസ് എന്നിവർ സംസാരിച്ചു. കരിയർ മാസ്റ്റർ ശ്രീ. അരുൺ ശങ്കർ വിഷയാവതരണം നടത്തി. രണ്ടാം വർഷ വിദ്യാർത്ഥിനി കുമാരി. അശ്വതി. സി.ആർ. നന്ദി പ്രകാശിപ്പിച്ചു.

കരിയർ മാസ്റ്റർ ശ്രീ. അരുൺ ശങ്കർ ക്ലാസെടുക്കുന്നു 

പി.ടി.എ പ്രസിഡൻറ് ശ്രീ. വി. മുഹമ്മദ് ഹനീഫ ഉദ്ഘാടനം ചെയ്യുന്നു

പ്രിൻസിപ്പൽ ശ്രീ. രാജീവ് ബോസ് സംസാരിക്കുന്നു 

മനഴി എൻഡോവ്മെന്റ് - ജൂൺ 9, 2018

പൊതുപരീക്ഷകളിലെ മികച്ച വിജയത്തിന്  പെരിന്തൽമണ്ണ നഗരസഭ നൽകി വരുന്ന എൻ.ആർ. മനഴി എൻഡോവ്മെന്റ് വിതരണം ചെയ്തു. പെരിന്തൽമണ്ണ ടൗൺ ഹാളിൽ വെച്ച് നടന്ന ചടങ്ങിൽ നഗരസഭാ ചെയർമാൻ ശ്രീ. മുഹമ്മദ് സലിം എൻഡോവ്മെന്റുകൾ വിതരണം ചെയ്തു. നഗരസഭ വൈസ് ചെയർപേഴ്‌സൺ ശ്രീമതി. നിഷി അനിൽരാജ് അധ്യക്ഷത വഹിച്ചു. തഹസിൽദാർ ശ്രീ. മെഹറലി, വിദ്യാഭ്യാസ സ്റ്റാന്റിങ് കമ്മറ്റി ചെയർമാൻ ശ്രീ. കിഴിശ്ശേരി മുസ്തഫ, വിവിധ സ്ഥാപന മേധാവികൾ തുടങ്ങിയവർ പങ്കെടുത്തു.

ഹയർസെക്കണ്ടറിയിൽ  മികച്ച വിജയത്തിനുള്ള അവാർഡ് പെരിന്തൽമണ്ണ വി.എച്ച്.എസ്.ഇ. ക്ക് ലഭിച്ചു. വിദ്യാർത്ഥികളായ ഷഹന മോൾ. സി., ഫെബിന ഷെറിൻ, അൻഷിദ ഹംസ. എം., സോജൻ തങ്കച്ചൻ എന്നിവർ മികച്ച വിദ്യാർത്ഥികൾക്കുള്ള അവാർഡുകൾ ഏറ്റു വാങ്ങി.

മനഴി എൻഡോവ്മെന്റ് ജേതാക്കൾ പ്രിന്സിപ്പലിനോടൊപ്പം

വിജയഭേരി എക്സലൻസ് അവാർഡ് - മെയ് 23, 2018

2018 മാർച്ച് പ്ലസ് ടു / വി.എച്ച്.എസ്.ഇ. പരീക്ഷയിൽ 100% റിസൾട്ട് നേടിയ വിദ്യാലയങ്ങൾക്കായി മലപ്പുറം ജില്ലാ പഞ്ചായത്ത് നൽകുന്ന "വിജയഭേരി എക്സലൻസ് അവാർഡ്" പെരിന്തൽമണ്ണ ഗവ. വൊക്കേഷണൽ ഹയർസെക്കണ്ടറി സ്‌കൂളിന് ലഭിച്ചു. മലപ്പുറം ടൗൺ ഹാളിൽ വെച്ച് നടന്ന ചടങ്ങിൽ ബഹു. എം.പി. ശ്രീ. പി.വി. അബ്ദുൽ വഹാബ് ൽ നിന്ന് പ്രിൻസിപ്പൽ രാജീവ് ബോസ് അവാർഡ് ഏറ്റു വാങ്ങി. ഈ അവാർഡ് ലഭിച്ച ഏക വി.എച്ച്.എസ്. വിദ്യാലമായി പെരിന്തൽമണ്ണ വി.എച്ച്.എസ്.ഇ.

പെരിന്തൽമണ്ണ വി.എച്ച്.എസ്.ഇ. ക്ക് അഭിമാന നേട്ടം

തുടർച്ചയായി നാലാം തവണയും 100% നേടി പെരിന്തൽമണ്ണ വി.എച്ച്.എസ്.ഇ. ചരിത്രവിജയത്തിലേക്ക്. കേരളത്തിലെ 100% നേടിയ 19 വി.എച്ച്.എസ്. സ്‌കൂളുകളിൽ ഒന്നാകാൻ സാധിച്ചതിനോടൊപ്പം തന്നെ മലപ്പുറം ജില്ലയിലെ മറ്റ് 26 വി.എച്ച്.എസ്. വിദ്യാലയങ്ങളെയും പിന്തള്ളി ഒന്നാം സ്ഥാനത്തെത്താനും സ്‌കൂളിന് കഴിഞ്ഞു.

വി.എച്ച്.എസ്.ഇ. ക്ക് 100 % വിജയം!

2018 മാർച്ച് പരീക്ഷയിൽ പെരിന്തൽമണ്ണ വി.എച്ച്.എസ്.ഇ. ക്ക് നൂറ് ശതമാനം വിജയം. എം.എൽ.ടി., ബി.ഇ.ടി. എന്നീ വൊക്കേഷണൽ വിഷയങ്ങളിലായി പരീക്ഷയെഴുതിയ 57 വിദ്യാർത്ഥികളും ഉന്നതവിദ്യാഭ്യാസത്തിന് അർഹത നേടി. എം.എൽ.ടി. കോഴ്‌സിൽ കുമാരി. ഷഹനമോൾ ഉം  ബി.ഇ.ടി. കോഴ്‌സിൽ കുമാരി. അൻഷിദ ഹംസ യും മുന്നിലെത്തി.

അക്കാദമിക മാസ്റ്റർപ്ലാൻ

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സ്‌കൂളിനെ മികവിന്റെ കേന്ദ്രമാക്കി മാറ്റുന്നതിനായി പ്രാഥമിക തലത്തിൽ  ഒരു അക്കാദമിക മാസ്റ്റർ പ്ലാൻ തയ്യാറാക്കി. സാമൂഹിക പങ്കാളിത്തം ഉറപ്പുവരുത്തുന്നതിനായി ജനപ്രതിനിധികളുടെയും രക്ഷിതാക്കളുടെയും പൂർവ്വവിദ്യാര്ഥികളുടെയും സാന്നിധ്യത്തിൽ പൊതുസമൂഹത്തിനു മുൻപിൽ ഫെബ്രുവരി 16-ന് സമർപ്പിക്കപ്പെട്ടു.

മികച്ച നേട്ടം കൈവരിക്കുന്നതിനായി അക്കാദമിക മാസ്റ്റർപ്ലാനിൽ വിവിധ പദ്ധതികൾ ആസൂത്രണം ചെയ്തിട്ടുണ്ട്. ലക്ഷ്യ (അക്കാദമികം), ദിശ (തൊഴിൽപരമായ പദ്ധതികൾ), റെയിൻബോ (ഹൈടെക്ക് പദ്ധതികൾ), സർഗ്ഗവേള (കലാ-കായിക പദ്ധതികൾ), വെളിച്ചം (കോ-കറിക്കുലർ പദ്ധതികൾ), ഹരിതം (പരിസ്ഥിതി പദ്ധതികൾ), ഡ്യൂ ഡ്രോപ്പ്സ് (സാംസ്കാരിക പദ്ധതികൾ), ഹോപ്പ് (സാമൂഹിക പദ്ധതികൾ), ഇൻഫ്രാ (ഭൗതിക പദ്ധതികൾ) എന്നിങ്ങനെ തരം തിരിച്ചിരിക്കുന്നു.

അക്കാദമിക പ്രവർത്തനങ്ങൾ:

‘ലക്ഷ്യ’ എന്ന പേരുള്ള അക്കാദമികപദ്ധതിയിൽ കുട്ടികളെ അവരുടെ പഠനനിലവാരത്തിനനുസരിച്ച് പിയർഗ്രൂപ്പുകളായി തിരിച്ച് ഓരോ ഗ്രൂപ്പിനും അനുയോജ്യവും ആവശ്യവുമായ മെറ്റീരിയൽസ് നൽകുന്നു. എല്ലാ മാസവും നിശ്ചിത പാഠഭാഗങ്ങളിൽ സീരീസ് പരീക്ഷകൾ നടത്തി പഠനപുരോഗതി ക്ലാസ് പി.ടി.എ. വിളിച്ച് വിലയിരുത്തുന്നു. സ്‌കൂളിൽ നടപ്പിലാക്കിയിട്ടുള്ള 'ട്യൂട്ടർ സംവിധാനം' വഴി ഓരോ കുട്ടിയുടെയും കുടുംബ, സാമൂഹിക, പഠന പശ്ചാത്തലങ്ങൾ അടുത്തറിയാനും ആവശ്യമായ എല്ലാ പിന്തുണയും നൽകുവാനും സാധിക്കുന്നു.

ഭൗതിക സാഹചര്യങ്ങൾ:

‘ഇൻഫ്രാ’ എന്ന് പേരുള്ള ഭൗതിക വികസനപദ്ധതി പ്രകാരം എല്ലാ ക്ലാസ്മുറികളും വൊക്കേഷണൽ ലാബുകളും വരാന്തയും ടൈൽ ചെയ്യുകയും ക്ലാസ്മുറികൾ ഹൈടെക് ആക്കുകയും ചെയ്തിരിക്കുന്നു. പഠനം കൂടുതൽ വിജ്ഞാനപ്രദവും ആസ്വാദ്യകരവുമാക്കാൻ വേണ്ടി മുഴുവൻ ക്ലാസ്മുറികളിലും ലാപ്ടോപ്പ്, പ്രൊജക്ടർ, ഇന്റർനെറ്റ് തുടങ്ങിയ ആധുനിക സൗകര്യങ്ങൾ സജ്ജമാക്കിയിട്ടുണ്ട്. വിദ്യാർത്ഥികളിൽ വായനാശീലം വളർത്തുന്നതിനായി ഒരു ലൈബ്രറിയും റീഡിങ് കോർണറും ഒരുക്കിയിരിക്കുന്നു.

പഠനപരിപോഷണ പരിപാടികൾ:

വിദ്യാർത്ഥികൾക്ക് പ്രതികൂലമായ ജീവിത-പഠന സാഹചര്യങ്ങളിൽ പതറാതെ മുന്നോട്ട് പോകുവാനും ആത്മവിശ്വാസത്തോടു കൂടി മുന്നേറി വിജയം കൈവരിക്കുന്നതിനുമായി മോട്ടിവേഷൻ ക്ലാസുകൾ നടത്തുന്നു. കൂടാതെ രക്ഷിതാക്കൾക്ക് അവബോധം നൽകുന്നതിനായി പോസിറ്റീവ് പാരന്റിങ് ക്ളാസുകളും നൽകുന്നു.

സാമൂഹിക പങ്കാളിത്തവും വിഭവ പിന്തുണയും:

കുട്ടികളിൽ സാമൂഹിക പ്രതിബദ്ധത വളർത്തിയെടുക്കുന്നതിനായി ‘ഡ്യൂ ഡ്രോപ്‌സ്’ എന്ന പേരിൽ ഒരു സാംസ്കാരിക പദ്ധതി നടപ്പിലാക്കിയിട്ടുണ്ട്. ‘ഗ്രീൻ പ്രോട്ടോക്കോൾ’ എന്ന പാരിസ്ഥിതിക നിയമാവലി ഉൾക്കൊണ്ടു കൊണ്ട് വിദ്യാർത്ഥികൾ നല്ല രീതിയിൽ സ്‌കൂളിലും ക്ലാസ്മുറികളിലും വേസ്റ്റ് ഡിസ്പോസൽ മാനേജ്‌മെന്റ് ചെയ്തു വരുന്നു. വർഷത്തിലെ പ്രധാന ദിനങ്ങൾ സ്മരിക്കുകയും അനുബന്ധ പ്രവർത്തനങ്ങൾ നടത്തുകയും ചെയ്യുന്നു.

അക്കാദമിക പിന്തുണാ സംവിധാനം:

കുട്ടികളുടെ സമഗ്രവികസനം ലക്ഷ്യമാക്കി സ്‌കൂളിൽ വിവിധ പാഠ്യ പാഠ്യേതര പ്രവർത്തനങ്ങൾ മികച്ച രീതിയിൽ നടത്തിവരുന്നു. അക്കാദമിക പ്രവർത്തനങ്ങൾ വിവിധതലങ്ങളിൽ വിലയിരുത്തപ്പെടുകയും ചെയ്യുന്നു. കൂടാതെ മുനിസിപ്പാലിറ്റി, എം.എൽ.എ. എന്നിവരുടെ ക്രിയാത്മകമായ ഇടപെടലുകളും പ്രവർത്തനങ്ങളെ ശക്തിപ്പെടുത്തുന്നു.