കേരളം പൊതുവിദ്യാഭ്യാസ മേഖലയിൽ പൂർണ്ണമായും ഡിജിറ്റലാവുന്ന ആദ്യ സംസ്ഥാനം എന്ന പ്രഖ്യാപനം ബഹു: മുഖ്യമന്ത്രി പിണറായി വിജയൻ നിർവഹിച്ചു. പെരിന്തൽമണ്ണ നിയോജക മണ്ഡലത്തിലെ പ്രഖ്യാപനം സ്‌കൂളിൽ വെച്ച് നടന്ന ചടങ്ങിൽ ബഹു. എം.എൽ.എ. മഞ്ഞളാംകുഴി അലി നിർവഹിച്ചു. പെരിന്തൽമണ്ണ നഗരസഭാ വിദ്യാഭ്യാസ സ്റ്റാന്റിങ് കമ്മറ്റി ചെയർമാൻ കിഴിശ്ശേരി മുസ്തഫ അധ്യക്ഷനായിരുന്നു. വാർഡ് കൗൺസിലർ തെക്കത്ത് ഉസ്മാൻ, പി.ടി.എ. പ്രസിഡൻറ് മുഹമ്മദ് സ്വാലിഹ്, പ്രിൻസിപ്പൽ എം.എസ്.ശോഭ, വി.എച്ച്.എസ്.ഇ. പ്രിൻസിപ്പൽ രാജീവ് ബോസ്, എ.ഇ.ഒ. എൻ. സ്രാജുദ്ദീൻ, ഹെഡ്മാസ്റ്റർ പി.സക്കീർ ഹുസൈൻ, ബി.പി.സി. വി.എൻ.ജയൻ, പി.ടി.എ. അംഗം പി.വേലു തുടങ്ങിയവർ സംസാരിച്ചു. കഴിഞ്ഞ വര്ഷം സംസ്ഥാനതല മത്സരങ്ങളിൽ സമ്മാനാർഹരായ വിദ്യാർത്ഥിനികളെ അനുമോദിച്ചു.
No comments:
Post a Comment