മൈൻഡ് ഫുൾനെസ്സ് - സെപ്റ്റംബർ 21, 2023

ഒന്നാം വർഷ വിദ്യാർത്ഥികൾക്കായുള്ള മൈൻഡ് ഫുൾനെസ് ക്ലാസ് സ്‌കൂൾ ഓഡിറ്റോറിയത്തിൽ വെച്ച് നടന്നു. സിജി ട്രെയിനർ ആയ ഫയാസ് ഹബീബ് ക്ലാസ് കൈകാര്യം ചെയ്തു. വി.എച്ച്.എസ്.ഇ. കരിയർ ഗൈഡൻസ് സെല്ലിന്റെ ആഭിമുഖ്യത്തിലാണ് ക്ലാസ് സംഘടിപ്പിച്ചത്. കരിയർ മാസ്റ്റർ കെ.റിയാസ്, അധ്യാപകനായ സി.അബ്ദുൾ അസീസ് എന്നിവർ പങ്കെടുത്തു.

പോസിറ്റിവ് പാരന്റിങ് ക്ലാസ് - ആഗസ്ത് 09, 2023

കരിയർ ഗൈഡൻസ് & കൗൺസലിംഗ് സെല്ലിന്റെ ആഭിമുഖ്യത്തിൽ ഒന്നാം വർഷ വിദ്യാർത്ഥികളുടെ രക്ഷാകർത്താക്കൾക്ക് ബോധവൽക്കരണ ക്ലാസ് സംഘടിപ്പിച്ചു. ടി.കെ. അബ്ദുൾ ഷുക്കൂർ ക്‌ളാസ് നയിച്ചു. പ്രിൻസിപ്പൽ എം.പി.രാജീവ് ബോസ്, കരിയർ മാസ്റ്റർ കെ.റിയാസ് തുടങ്ങിയവർ പങ്കെടുത്തു.

ചാന്ദ്രദിനം ക്വിസ് - ജൂലൈ 21, 2023

ചന്ദ്രദിനത്തോടനുബന്ധിച്ച് ക്വിസ് മത്സരം സംഘടിപ്പിച്ചു. വി.എച്ച്.എസ്.ഇ. എൻ.എസ്.എസ്.,  കരിയർ ഗൈഡൻസ് സെല്ലുകളുടെ സംയുക്താഭിമുഖ്യത്തിലായിരുന്നു പ്രോഗ്രാം. കരിയർ മാസ്റ്റർ കെ.റിയാസ് നേതൃത്വം നൽകി. രണ്ടാം വർഷ വിദ്യാർത്ഥിനി ഫാത്തിമത്ത് സന, ഒന്നാം വർഷ വിദ്യാർത്ഥി റിഷാദ് എന്നിവർ ഒന്നും രണ്ടും സ്ഥാനങ്ങൾ നേടി.

ചാന്ദ്രയാൻ -3 വിക്ഷേപണം തത്സമയം - ജൂലൈ 14, 2023

ചന്ദ്രയാൻ-3 യുടെ വിക്ഷേപണം ഐഎസ്ആർഒ വെബ്സൈറ്റിൽ തത്സമയം സംപ്രേക്ഷണം ചെയ്തത് സ്‌കൂൾ കരിയർ സെല്ലിന്റെ നേതൃത്വത്തിൽ കുട്ടികൾക്ക് കാണുന്നതിനുള്ള അവസരം ഒരുക്കി. രാജ്യത്തിന്റെ അഭിമാന പ്രോജക്ടിന് വിദ്യാർത്ഥികൾക്കും സാക്ഷ്യം വഹിക്കാനായി. കരിയർ മാസ്റ്റർ കെ.റിയാസ് നേതൃത്വം നൽകി. 

നവീനം 2023 - ജൂലൈ 05, 2023

പെരിന്തൽമണ്ണ ഗവ. വൊക്കേഷണൽ ഹയർസെക്കൻഡറി സ്കൂളിൽ പ്ലസ് വൺ വിദ്യാർത്ഥികളെ സ്കൂളിലേക്ക് സ്വാഗതം ചെയ്യുന്ന "നവീനം 2023" സെമിനാർ നഗരസഭാ ചെയർമാൻ പി.ഷാജി ഉദ്ഘാടനം ചെയ്തു. നഗരസഭാ വൈസ് ചെയർപേഴ്സൺ നസീറ ടീച്ചർ അധ്യക്ഷയായ ചടങ്ങിൽ സ്കൂൾ പ്രിൻസിപ്പൽ എം.പി. രാജീവ് ബോസ് സ്വാഗതം ആശംസിച്ചു. പി.ടി.എ. പ്രസിഡൻ്റ് കിനാതിയിൽ സാലിഹ്, വൈസ് പ്രസിഡൻ്റ് പി. യൂസഫ്, എക്സിക്യുട്ടീവ് അംഗം സുഹറ, ഹെഡ്മാസ്റ്റർ പി.സക്കീർ ഹുസൈൻ തുടങ്ങിയവർ സംബന്ധിച്ചു. കരിയർ മാസ്റ്റർ കെ. റിയാസ് സെമിനാർ കൈകാര്യം ചെയ്തു. വിദ്യാർത്ഥി പ്രതിനിധി പി.സാരംഗ് നന്ദി പറഞ്ഞു. വി.എച്ച്.എസ്. ഇ. കരിയർ ഗൈഡൻസ് & കൗൺസലിങ് സെല്ലിൻ്റെ ആഭിമുഖ്യത്തിലാണ് പ്രോഗ്രാം നടന്നത്.

മെഹന്തി ഫെസ്റ്റ് - ജൂൺ 23, 2023

പെരുന്നാൾ ആഘോഷങ്ങളുടെ ഭാഗമായി മെഹന്തി ഫെസ്റ്റ് സംഘടിപ്പിച്ചു. മാപ്പിളപ്പാട്ട്, ഒപ്പന തുടങ്ങിയ കലകളും പ്രദർശിപ്പിച്ചു. വി.എച്ച്.എസ്.ഇ. എൻ.എസ്.എസ്. സെൽ ഫെസ്റ്റിന് നേതൃത്വം നൽകി.

വായനാദിനം ആചരിച്ചു - ജൂൺ 19, 2023

വായനാ ദിനത്തോടനുബന്ധിച്ച് വിവിധ പരിപാടികൾ സ്‌കൂളിൽ സംഘടിപ്പിച്ചു. കുട്ടികളിൽ വായനാശീലം വളർത്തുന്നതിനായി ഓരോ ക്ലാസ് റൂമിലും "അക്ഷരക്കൂട്ട്" എന്ന പേരിൽ ക്ലാസ് ലൈബ്രറി സ്ഥാപിച്ചു. പ്രസ്തുത പരിപാടി സ്‌കൂൾ പി.ടി.എ.നിർവാഹക സമിതി അംഗം പി.സുഹറ ഉദ്ഘാടനം ചെയ്തു. അധ്യാപകരായ കെ.റിയാസ്, സി.അബ്ദുൾ അസീസ് തുടങ്ങിയവർ സംസാരിച്ചു. മലയാള ഭാഷയുമായി ബന്ധപെട്ട് "മധുരം മലയാളം" എന്ന പേരിൽ മത്സരം സംഘടിപ്പിച്ചു.

റീഡിങ് കോർണറിൽ ഇനി തൊഴിൽ പ്രസിദ്ധീകരണങ്ങളും

പെരിന്തൽമണ്ണ വി.എച്ച്.എസ്.ഇ. കരിയർ ഗൈഡൻസ് & കൗൺസലിംഗ് സെല്ലിന്റെ ഭാഗമായി സ്‌കൂൾ റീഡിങ് കോർണർ സജീവമായി. വിവിധ പത്രങ്ങളോടൊപ്പം തൊഴിൽ പ്രസിദ്ധീകരണമായ തൊഴിൽ വാർത്തയും ഇനി മുതൽ റീഡിങ് കോർണറിൽ ലഭ്യമാവും. തൊഴിൽ രംഗത്തുള്ള ട്രെൻഡുകൾ മനസിലാക്കുന്നതിന് ഇത് സഹായകമാവും എന്ന് പ്രവർത്തനങ്ങൾക്ക് നേതൃത്വം നൽകുന്ന അദ്ധ്യാപകൻ കെ.റിയാസ് പറഞ്ഞു. പ്രിൻസിപ്പൽ രാജീവ് ബോസ് പ്രവർത്തനം ഉദ്‌ഘാടനം ചെയ്തു.

തൊഴിൽ മേള 2022 - ഡിസംബർ 10, 2022

വി.എച്ച്.എസ്.ഇ. കരിയർ ഗൈഡൻസ് & കൗൺസലിംഗ് സെല്ലും മലപ്പുറം ജില്ലാ എംപ്ലോയ്‌മെന്റ് എക്സ്ചേഞ്ചും സംയുക്തമായി സംഘടിപ്പിക്കുന്ന തൊഴിൽമേള പെരിന്തൽമണ്ണ ഗേൾസ് സ്‌കൂളിൽ വെച്ച് നടന്നു. മേളയുടെ ഉദ്ഘാടനം പെരിന്തൽമണ്ണ മുനിസിപ്പൽ ചെയർമാൻ പി.ഷാജി നിർവഹിച്ചു. വി.എച്ച്.എസ്.ഇ. കുറ്റിപ്പുറം മേഖലാ അസിസ്റ്റന്റ് ഡയറക്ടർ എം.ഉബൈദുള്ള അധ്യക്ഷത വഹിച്ച ചടങ്ങിൽ പ്രിൻസിപ്പൽ എം.പി. രാജീവ് ബോസ് സ്വാഗതം ആശംസിച്ചു. വാർഡ് മെമ്പർ പച്ചീരി ഹുസൈന നാസർ, എസ്.എം.സി. ചെയർപേഴ്‌സൺ കെ.ടി.അനീസ, വിദ്യാകിരണം ജില്ലാ കോ-ഓർഡിനേറ്റർ എം.മണി, ജില്ലാ എംപ്ലോയ്‌മെന്റ് ഓഫീസർ ബിമൽ ഡൊമിനിക്, സ്‌കൂൾ ഹെഡ്‌മാസ്റ്റർ പി.സക്കീർ ഹുസൈൻ, പാലക്കാട് ജില്ലാ കരിയർ ഗൈഡൻസ് കോ-ഓർഡിനേറ്റർ സി.പ്രവീൺ തുടങ്ങിയവർ ആശംസകൾ അറിയിച്ചു. മലപ്പുറം ജില്ലാ കരിയർ ഗൈഡൻസ് കോ-ഓർഡിനേറ്റർ എൻ.സ്മിത നന്ദി അറിയിച്ചു.

പോസിറ്റീവ് പാരന്റിംഗ് - ഒക്ടോബർ 19, 2022

ഹാപ്പി ലേണിങ് - ഒക്ടോബർ 1, 2022

ഷീ ക്യാമ്പ് - സെപ്റ്റംബർ 30, 2022

നവീനം 2022 - ആഗസ്ത് 25, 2022

ഒന്നാം വർഷ ക്ളാസുകൾ തുടങ്ങുന്നതിന്റെ മുന്നോടിയായി കുട്ടികൾക്കും രക്ഷിതാക്കൾക്കും എൻ.എസ്.ക്യു.എഫ്‌. കോഴ്‌സുകളെക്കുറിച്ചും സാധ്യതകളെ കുറിച്ചും അവബോധം സൃഷ്ടിക്കാൻ നവീനം 2022 സംഘടിപ്പിച്ചു. എൽ.ടി.ആർ. ഇൻസ്ട്രക്ടർ ഇസ്‌ഹാഖ്.വി. ക്ലാസെടുത്തു. അധ്യാപകർ പരിചയപ്പെടുത്തി. ചടങ്ങിൽ ഹയർസെക്കണ്ടറി പ്രിൻസിപ്പൽ ജോളി ജോസഫ്, ഹെഡ്മാസ്റ്റർ പി.സക്കീർ ഹുസൈൻ, വി.എച്ച്.എസ്.ഇ. സീനിയർ അദ്ധ്യാപകൻ മുഹമ്മദ് നസീൽ. വി.സി. തുടങ്ങിയവർ പങ്കെടുത്തു. കരിയർ മാസ്റ്റർ റസ്‌മ.പി. നേതൃത്വം നൽകി.

വി.എച്ച്.എസ്.ഇ. അഡ്മിഷൻ മൂന്നാം അലോട്ട്മെന്റ്

വി.എച്ച്.എസ്.ഇ. മൂന്നാം അലോട്ട്മെന്റ് പ്രസിദ്ധീകരിച്ചു. ആഗസ്ത് 24 ന് 4 മണി വരെ അഡ്മിഷൻ എടുക്കാം.

വി.എച്ച്.എസ്.ഇ. രണ്ടാം അലോട്ട്മെന്റ്

വി.എച്ച്.എസ്.ഇ. രണ്ടാം അലോട്ട്മെന്റ് പ്രസിദ്ധീകരിച്ചു. ആഗസ്ത് 17ന് 4 മണി വരെ അഡ്മിഷൻ എടുക്കാം.

വി.എച്ച്.എസ്.ഇ. ഒന്നാം അലോട്ട്മെന്റ് പ്രസിദ്ധീകരിച്ചു.

വി.എച്ച്.എസ്.ഇ. ഒന്നാം അലോട്ട്മെന്റ് പ്രസിദ്ധീകരിച്ചു. നാളെ (05-08-2022) മുതൽ അഡ്മിഷൻ എടുക്കാവുന്നതാണ്. ആഗസ്ത് 10 ആണ് അവസാന തിയതി.

വി.എച്ച്.എസ്ഇ. പ്രവേശനത്തിനുള്ള അവസാന തിയതി 21-07-2022

2022-23 അധ്യയന വർഷത്തെ ഒന്നാം വർഷ അഡ്മിഷന് അപേക്ഷിക്കാനുള്ള അവസാന തിയതി ജൂലൈ 21 വരെ ദീർഘിപ്പിച്ച് പൊതു വിദ്യാഭ്യാസ ഡയറക്ടർ ഉത്തരവ് പുറപ്പെടുവിച്ചു.

ഉദ്യോഗ് മേള 2022 - മാർച്ച് 22, 2022

കേരള പൊതുവിദ്യാഭ്യാസ വകുപ്പ് വി.എച്ച്.എസ്.ഇ. വിഭാഗം കരിയർ ഗൈഡൻസ് & കൗൺസലിംഗ് സെല്ലിൻ്റെയും മലപ്പുറം, പാലക്കാട് ജില്ലാ എംപ്ലോയ്മെൻ്റ് എക്സ്ചേഞ്ചുകളുടെയും സംയുക്ത ആഭിമുഖ്യത്തിൽ "ഉദ്യോഗ് മേള 2022" പെരിന്തൽമണ്ണ ചോയ്സ് കാറ്ററിംഗ് സർവീസിൽ വെച്ച് നടന്നു. പെരിന്തൽമണ്ണ നഗരസഭാ ചെയർമാൻ പി.ഷാജി ചടങ്ങ് ഉദ്ഘാടനം ചെയ്തു. മലപ്പുറം ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്സൺ നസീബ അസീസ് അധ്യക്തത വഹിച്ചു. വി.എച്ച്.എസ്.ഇ. കരിയർ ഗൈഡൻസ് സ്റ്റേറ്റ് കോർഡിനേറ്റർ എ.എം. റിയാസ് മുഖ്യപ്രഭാഷണം നടത്തി. വി. എച്ച്. എസ്. ഇ. കുറ്റിപ്പുറം മേഖലാ അസിസ്റ്റൻ്റ് ഡയറക്ടർ എം. ഉബൈദുള്ള സ്വാഗതവും മലപ്പുറം ജില്ലാ കോർഡിനേറ്റർ എൻ.സ്മിത നന്ദിയും പറഞ്ഞു. പെരിന്തൽമണ്ണ നഗരസഭാ ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ പി.എസ്. സന്തോഷ് കുമാർ, മലപ്പുറം ജില്ലാ എംപ്ലോയ്മെൻ്റ് ഓഫീസർ (വി.ജി.) സുനിത വർമ്മ, പാലക്കാട് ജില്ലാ കോർഡിനേറ്റർ കെ.വി.അനിത എന്നിവർ സംസാരിച്ചു. തൊഴിൽ മേളയിൽ ആയിരത്തോളം ഉദ്യോഗാർഥികളും 25 ഓളം കമ്പനികളും പങ്കെടുത്തു. പെരിന്തൽമണ്ണ എൻ.എസ്.എസ്. യൂണിറ്റ് വളണ്ടിയേഴ്സിന്റെ പ്രവർത്തനം കൊണ്ട് ശ്രദ്ധേയമായി.

സത്യമേവ ജയതേ

ബഹുമാനപ്പെട്ട മുഖ്യമന്ത്രിയുടെ പത്തിന പരിപാടിയിൽ ഉൾപ്പെടുന്ന വിവര സാക്ഷരതാ ക്യാമ്പയിൻ ആണ് സത്യമേവ ജയതേ. സാമൂഹിക മാധ്യമങ്ങളിലൂടെ പ്രചരിക്കുന്ന വ്യാജ വാർത്തകൾക്കെതിരായ ബോധവൽക്കരണ പ്രവർത്തനമാണ് ഇത്. ഇതിന്റെ പരിശീലന പരിപാടിയിൽ കരിയർ മാസ്റ്റർ സിന്ധു.കെ. പങ്കെടുത്തു. തുടർപ്രവർത്തനമായി അധ്യാപകർക്കും വിദ്യാർത്ഥികൾക്കും ക്ളാസുകൾ നൽകി. 

ഫേസ്-ടു-ഫേസ് II - ജനുവരി 19, 2022

പെരിന്തൽമണ്ണ ഗവഃ വൊക്കേഷണൽ ഹയർസെക്കണ്ടറി സ്‌കൂളിലെ വിദ്യാർത്ഥികൾക്കായി കരിയർ ഗൈഡൻസ് സെല്ലിന്റെ  ആഭിമുഖ്യത്തിൽ രണ്ടാം ഫേസ്-ടു-ഫേസ് പരിപാടി ഓൺലൈനായി നടത്തി. വി.എച്ച്.എസ്.ഇ.  പഠനത്തിന് ശേഷം പാരാമെഡിക്കൽ പോസ്റ്റ് ഗ്രാജുവേഷൻ കഴിഞ്ഞ് ഇന്ത്യയിലും മിഡിൽ-ഈസ്റ്റ് രാജ്യങ്ങളിലുമായി ഹെൽത്ത് കെയർ ആൻഡ് ഡയഗ്‌നോസ്റ്റിക്  സർവീസസിൽ മാനേജ്മെന്റ് പ്രൊഫഷണലായി പ്രവർത്തിച്ചു വരുന്ന ശ്രീ. ബ്രിഞ്ചു കുഞ്ഞുമോനായിരുന്നു ക്ലാസ് കൈകാര്യം ചെയ്തത്. സ്വന്തം അഭിരുചികളും, വി.എച്ച്.എസ്.ഇ.-യിൽ പഠിച്ച മാനേജ്മെന്റ് പാഠങ്ങളും, അതൊടൊപ്പം കഠിനാധ്വാനവും അദ്ദേഹത്തെ വിജയത്തിലെത്തിച്ചു എന്ന് വിദ്യാർത്ഥികൾക്ക് മനസ്സിലായി.