പെരിന്തൽമണ്ണ ഗവ. വൊക്കേഷണൽ ഹയർസെക്കണ്ടറി സ്‌കൂൾ വി.എച്ച്.എസ്.ഇ. വിഭാഗം എൻ.എസ്.എസ്. യൂണിറ്റിന്റെ വാർഷിക സപ്തദിന സഹവാസ ക്യാമ്പ് "സ്പന്ദനം" പട്ടിക്കാട് ഗവ. ഹയർസെക്കണ്ടറി സ്‌കൂളിൽ വെച്ച് നടത്താനുള്ള സ്വാഗത സംഘവും സംഘാടക സമിതിയുടെ രൂപീകരണവും പട്ടിക്കാട് സ്‌കൂളിൽ വെച്ച് നടന്നു. പെരിന്തൽമണ്ണ ബ്‌ളോക്ക് സ്ഥിരം സമിതി അധ്യക്ഷനും പട്ടിക്കാട് സ്‌കൂൾ പി.ടി.എ. പ്രസിഡന്റുമായ അസീസ് പട്ടിക്കാട് ഉദ്ഘാടനം ചെയ്ത ചടങ്ങിൽ പട്ടിക്കാട്, പെരിന്തൽമണ്ണ സ്‌കൂളുകളിലെ പി.ടി.എ. ഭാരവാഹികളായ വി.ജ്യോതിഷ്, വേലു മാസ്റ്റർ, കെ.ടി.അനീസ തുടങ്ങിയവരും അധ്യാപകരും മറ്റ് ജനപ്രതിനിധികളും പങ്കെടുത്തു. ക്യാമ്പിനോടനുബന്ധിച്ച് നടത്തുന്ന ജീവിത ശൈലീ രോഗനിർണ്ണയ ക്യാമ്പിലും ലഹരിവിരുദ്ധ പ്രവർത്തനങ്ങളിലും പാലിയേറ്റിവ് പ്രവര്ത്തനങ്ങളിലും ക്യാമ്പ് നടത്തിപ്പിലും സഹായകമായ വിവിധ കമ്മറ്റികൾ രൂപീകരിച്ചു. ഡിസംബർ 26-ന് ആരംഭിക്കുന്ന ക്യാമ്പ് ജനുവരി ഒന്നിന് അവസാനിക്കും.
No comments:
Post a Comment