പെരിന്തൽമണ്ണ ഗവ. വി.എച്ച്.എസ്.എസ്. എൻ.എസ്.എസ്. യൂണിറ്റ് ഒന്നാം വർഷ വളണ്ടിയർമാർക്കായി ആഗസ്ത് 14, 15 തിയ്യതികളിലായി സംഘടിപ്പിച്ച ദ്വിദിന സഹവാസ ക്യാമ്പ് "സമന്വയ" സാമൂഹ്യ പ്രാധാന്യമുള്ള പ്രോജക്ടുകൾ കൊണ്ട് ശ്രദ്ധേയമായി.
വനിതാ-ശിശുവികസന വകുപ്പിന്റെ ആഭിമുഖ്യത്തിൽ സ്ത്രീ ചൂഷണത്തിനെതിരെ സമത്വ ജ്വാല തെളിയിച്ചുകൊണ്ട് പെരിന്തൽമണ്ണ മുൻസിപ്പൽ വൈസ് ചെയർപേഴ്സൺ എ. നസീറ ക്യാമ്പ് ഉദ്ഘാടനം ചെയ്തു. പിടിഎ പ്രസിഡണ്ട് കിനാതിയിൽ സാലിഹ്, വിഎച്ച്എസ്ഇ പ്രിൻസിപ്പൽ എം. പി. രാജീവ് ബോസ്, ഹയർ സെക്കൻഡറി പ്രിൻസിപ്പൽ സി.എം.ലത, പി ടി എ എക്സിക്യൂട്ടീവ് അംഗങ്ങളായ ഫാത്തിമത്ത് സുഹറ, സുനിൽ ബാബു, അധ്യാപകരായ നന്ദകുമാർ, റസ്മ, വളണ്ടിയർ സെക്രട്ടറി ഫൗസാൻ എന്നിവർ സംസാരിച്ചു.
ആരോഗ്യവകുപ്പുമായി സഹകരിച്ച് പൊതുജനങ്ങൾക്കായി "ദൃഢഗാത്രം" എന്ന പേരിൽ ജീവിതശൈലി രോഗനിർണയ ക്യാമ്പും സമീപവീടുകളിൽ അടുക്കള കലണ്ടർ വിതരണവും, "തുല്യം" പ്രോജക്റ്റിന്റെ ഭാഗമായി ജൻഡർ ഓഡിറ്റിങ്ങും വളണ്ടിയർമാർ നടത്തി.
ജീവകാരുണ്യ പ്രവർത്തനങ്ങൾക്കായി പരിസ്ഥിതിസൗഹൃദ വിത്ത് പേന നിർമ്മാണവും വിപണനവും നടത്തിയാണ് ക്യാമ്പ് സമാപിച്ചത്. ഇതിൽ നിന്നും കണ്ടെത്തിയ തുക സഹപാഠിയുടെ ചികിത്സാ സഹായത്തിനായി വിനിയോഗിക്കും.
No comments:
Post a Comment