മനുഷ്യൻ ആദ്യമായി ചന്ദ്രനിൽ കാലുകുത്തിയത് ജൂലൈ 21.ചാന്ദ്രദിനമായി ആഘോഷിക്കുന്നു. ജ്യോതിശാസ്ത്ര പഠനം, ബഹിരാകാശ ഗവേഷണത്തിന്റെ പ്രാധാന്യം, മനുഷ്യന്റെ ആദ്യ ചാന്ദ്രയാത്രയുടെ പ്രസക്തി എന്നിവ ജനങ്ങളെ ഓർമ്മിപ്പിക്കാനും പ്രത്യേകിച്ച് വിദ്യാർത്ഥികളിൽ ഇവ സംബന്ധമായ അവബോധം വളർത്തുവാനുമാണ് ഈ ദിവസം ചാന്ദ്രദിനമായി ആഘോഷിക്കുന്നത്. ചാന്ദ്രദിനാഘോഷങ്ങളുടെ ഭാഗമായി വളണ്ടിയർമാർക്കിടയിൽ ഫോട്ടോഗ്രാഫി മത്സരം നടത്തി. രണ്ടാം വർഷ എം.ഇ.ടി. വിദ്യാർത്ഥി ലെവിൻ ജോൺസ് ഒന്നാമതായി.
2022-23 അധ്യയന വർഷത്തെ ഒന്നാം വർഷ അഡ്മിഷന് അപേക്ഷിക്കാനുള്ള അവസാന തിയതി ജൂലൈ 21 വരെ ദീർഘിപ്പിച്ച് പൊതു വിദ്യാഭ്യാസ ഡയറക്ടർ ഉത്തരവ് പുറപ്പെടുവിച്ചു.
പെരിന്തൽമണ്ണ ഗവ. വൊക്കേഷണൽ ഹയർസെക്കണ്ടറി സ്കൂളിൽ ഈ വര്ഷം മുതൽ പുതിയ എൻ.എസ്.ക്യു.എഫ്. കോഴ്സുകളായ ലാബ് ടെക്നീഷ്യൻ - റീസേർച്ച് & ക്വാളിറ്റി കൺട്രോൾ, ഹാൻഡ്ഹെൽഡ് ഡിവൈസ് (ഹാൻഡ്സെറ്റ് & ടാബ്ലെറ്റ്) ടെക്നിഷ്യൻ എന്നീ കോഴ്സുകൾ ആരംഭിക്കുന്നു. പുതിയ കാലഘട്ടത്തിലെ രണ്ട് ജോലി സാധ്യതയുള്ള കോഴ്സുകളാണ് ഇവ രണ്ടും. ഓരോ കോഴ്സിനും 30 സീറ്റുകൾ വീതമാണുള്ളത്. വി.എച്ച്.എസ്.ഇ. എൻ.എസ്.എസ്. യൂണിറ്റിന്റെ നേതൃത്വത്തിൽ അഡ്മിഷൻ ഹെൽപ് ഡെസ്ക് സ്കൂളിൽ പ്രവർത്തിക്കുന്നുണ്ട്.
ഒന്നാം വർഷ ഹയർസെക്കണ്ടറി (വൊക്കേഷണൽ) കോഴ്സ് പ്രവേശനത്തിനുള്ള അപേക്ഷ ക്ഷണിച്ചു. വിദ്യാർത്ഥികൾ ഏകജാലക അഡ്മിഷൻ വെബ്സൈറ്റായ www.vhscap.kerala.gov.in -ൽ ലഭ്യമായ പ്രോസ്പെക്ടസും അനുബന്ധങ്ങളും വ്യക്തമായി വായിച്ച് മനസ്സിലാക്കേണ്ടതാണ്. അപേക്ഷകൾ പൂർണ്ണമായും ഓൺലൈൻ ആയാണ് സമർപ്പിക്കേണ്ടത്. ജൂലൈ 11 മുതൽ 18 വരെ അപേക്ഷകൾ ഓൺലൈൻ ആയി സമർപ്പിക്കാവുന്നതാണ്.
ഈദ്-ഉൽ-അദ യോടനുബന്ധിച്ച് വിദ്യാർത്ഥികൾക്കിടയിൽ "സലോനി" എന്ന പേരിൽ മെഹന്ദി ഫെസ്റ്റ് സംഘടിപ്പിച്ചു. വിദ്യാർത്ഥിനികൾ പങ്കെടുത്തു.
എൻ.എസ്.എസ്. വളണ്ടിയർമാർക്കുള്ള സംസ്ഥാനതല നേതൃത്വ പരിശീലന ക്യാമ്പ് "അമൃതം ഗമയ" ജൂലൈ 1 മുതൽ 3 വരെ ആലപ്പുഴ സനാതന ധർമ കോളേജിൽ വെച്ച് നടന്നു. സ്കൂളിനെ പ്രതിനിധീകരിച്ച് കെ.ടി. മുഹമ്മദ് മുബഷിർ പങ്കെടുത്തു.
2022 മാർച്ച് പൊതുപരീക്ഷയിൽ 100% വിജയം നേടി പെരിന്തൽമണ്ണ വി.എച്ച്.എസ്.ഇ. മലപ്പുറം ജില്ലയിൽ ഒന്നാം സ്ഥാനം കരസ്ഥമാക്കി. മികച്ച വിജയം കൈവരിക്കാറുള്ള സ്കൂളിന് ഇത് ഇരട്ടി മധുരമായി. എഫ്.എച്ച്.ഡബ്ല്യൂ. കോഴ്സിലെ ഇഷ.ഇ. മുഴുവൻ വിഷയങ്ങൾക്കും ഏ പ്ലസ് നേടി സ്കൂൾ ടോപ്പർ ആയപ്പോൾ എം.ഇ.ടി. കോഴ്സിലെ ഫാത്തിമ റിൻഷ. കെ. മുഴുവൻ വിഷയങ്ങൾക്കും ഏ പ്ലസ് നേടി രണ്ടാം സ്ഥാനം കരസ്ഥമാക്കി. എഫ്.എച്ച്.ഡബ്ല്യൂ. കോഴ്സിലെ തന്നെ എസ്. മമിത 5 വിഷയങ്ങൾക്ക് ഏ പ്ലസ് നേടി മൂന്നാമതെത്തി.
ലോക പരിസ്ഥിതി ദിനത്തിന്റെ ഭാഗമായി വളണ്ടിയർമാർ സ്വ ഭവനത്തിൽ വൃക്ഷത്തൈകൾ നട്ടു. "ഒരേയൊരു ഭൂമി" എന്ന ആശയം മുൻ നിർത്തി മരങ്ങളും കാടുകളുംസംരക്ഷിക്കുക, വനപ്രദേശങ്ങൾ വിസ്തൃതമാക്കാൻ ശ്രമിക്കുക, അതുവഴി ആഗോള പാർസ്ഥിതിക സന്തുലനവും കാലാവസ്ഥാ സുസ്ഥിരതയും ഉറപ്പാക്കുക എന്ന പരിസ്ഥിതി ദിനാചരണത്തിന്റെ ലക്ഷ്യം സാക്ഷാത്കരിക്കാൻ എല്ലാ വളണ്ടിയർമാരും പ്രവർത്തിക്കുമെന്ന് പ്രതിജ്ഞ എടുത്തു.
സൈക്കിളുകളുടെ ഉപയോഗം പരമാവധി പ്രോത്സാഹിപ്പിക്കുക എന്ന ലക്ഷ്യത്തോടെ എല്ലാ വർഷവും ജൂൺ 3 ന് ലോക സൈക്കിൾ ദിനമായി (World Bicycle Day) ആചരിക്കുന്നു. പരിസ്ഥിതി സംരക്ഷണവും ആരോഗ്യവും പരിപോഷിപ്പിക്കുന്ന, ലളിതവും ചെലവ് കുറഞ്ഞതും പരിസ്ഥിതി സൗഹൃദവുമായ ഗതാഗത മാർഗമാണ് സൈക്കിൾ. പരിസ്ഥിതി മലിനീകരണം കുറക്കാനും ജനങ്ങളുടെ ആരോഗ്യം, സുരക്ഷ, മൊത്തത്തിലുള്ള ജീവിത നിലവാരം എന്നിവ മെച്ചപ്പെടുത്താനും സൈക്ലിംഗ് സഹായിക്കും. വളണ്ടിയർമാർ സൈക്കിൾ സവാരി നടത്തി ആളുകൾക്കിടയിൽ ബോധവൽക്കരണം നടത്തി.
