വി.എച്ച്.എസ്.ഇ. യിൽ ഇനി എൻ.എസ്.എസ്. യൂണിറ്റും

പെരിന്തൽമണ്ണ വി.എച്ച്.എസ്.ഇ. യിൽ സ്വാശ്രയമേഖലയിൽ നാഷണൽ സർവീസ് സ്‌കീം യൂണിറ്റ് അനുവദിച്ച് ഉത്തരവായി. ഇതോടെ കാലങ്ങളായുള്ള സ്‌കൂളിന്റെ ആവശ്യം സാക്ഷാത്കരിക്കുകയാണ്. ഇനി വി.എച്ച്.എസ്.ഇ. വിദ്യാർഥികൾക്കും എൻ.എസ്.എസ്. പ്രവർത്തനങ്ങളിൽ പങ്കാളികളാവാം. സ്വാശ്രയ മേഖലയിലായത് കൊണ്ട് 75 വിദ്യാർത്ഥികൾ ഉള്ള യൂണിറ്റാണ് ഇപ്പോൾ നൽകുന്നത്. പ്രവർത്തനമികവിനനുസരിച്ച് ഇത് ഫുൾ യൂണിറ്റായി മാറും. പുതിയ പ്രോഗ്രാം ഓഫീസറായി ശ്രീമതി. അമ്പിളി നാരായണൻ ചുമതലയേറ്റു.

വിദ്യാഭ്യാസമേഖലയിൽ ആദ്യ സമ്പൂർണ്ണ ഡിജിറ്റൽ സംസ്ഥാനം

കേരളം പൊതുവിദ്യാഭ്യാസ മേഖലയിൽ പൂർണ്ണമായും ഡിജിറ്റലാവുന്ന ആദ്യ സംസ്ഥാനം എന്ന  പ്രഖ്യാപനം ബഹു: മുഖ്യമന്ത്രി പിണറായി വിജയൻ നിർവഹിച്ചു. പെരിന്തൽമണ്ണ നിയോജക മണ്ഡലത്തിലെ പ്രഖ്യാപനം സ്‌കൂളിൽ വെച്ച് നടന്ന ചടങ്ങിൽ ബഹു. എം.എൽ.എ. മഞ്ഞളാംകുഴി അലി നിർവഹിച്ചു. പെരിന്തൽമണ്ണ നഗരസഭാ വിദ്യാഭ്യാസ സ്റ്റാന്റിങ് കമ്മറ്റി ചെയർമാൻ കിഴിശ്ശേരി മുസ്തഫ അധ്യക്ഷനായിരുന്നു. വാർഡ് കൗൺസിലർ തെക്കത്ത് ഉസ്മാൻ, പി.ടി.എ. പ്രസിഡൻറ് മുഹമ്മദ് സ്വാലിഹ്, പ്രിൻസിപ്പൽ എം.എസ്.ശോഭ, വി.എച്ച്.എസ്.ഇ. പ്രിൻസിപ്പൽ രാജീവ് ബോസ്, എ.ഇ.ഒ. എൻ. സ്രാജുദ്ദീൻ, ഹെഡ്മാസ്റ്റർ പി.സക്കീർ ഹുസൈൻ, ബി.പി.സി. വി.എൻ.ജയൻ, പി.ടി.എ. അംഗം പി.വേലു തുടങ്ങിയവർ സംസാരിച്ചു. കഴിഞ്ഞ വര്ഷം സംസ്ഥാനതല മത്സരങ്ങളിൽ സമ്മാനാർഹരായ വിദ്യാർത്ഥിനികളെ അനുമോദിച്ചു.

വി.എച്ച്.എസ്.ഇ. സപ്ലിമെന്ററി അലോട്ട്മെന്റ്

വി.എച്ച്.എസ്.ഇ. മുഖ്യ അലോട്ട്മെന്റിൽ അപേക്ഷിച്ചിട്ടും അലോട്ട്മെന്റ് ലഭിക്കാതിരുന്നവർക്കും ഇതുവരെയും അപേക്ഷ നൽകാൻ കഴിയാതിരുന്നവർക്കും സപ്ലിമെന്ററി  അലോട്ട്മെന്റ് ന് അപേക്ഷിക്കാം. ഒക്ടോബർ 14 വൈകീട്ട് 5 മണി വരെ www.vhscap.kerala.gov.in എന്ന വെബ്‌സൈറ്റ് വഴി അപേക്ഷിക്കാം.

അപേക്ഷ പുതുക്കുന്നതിനായി ക്യാൻഡിഡേറ്റ് ലോഗിനിലെ EDIT/RENEW APPLICATION എന്ന ലിങ്ക് ഉപയോഗിക്കാം. ഇതു വരെയും അപേക്ഷിക്കാത്തവർ വെബ്സൈറ്റിലെ APPLY ONLINE എന്ന ലിങ്കിലൂടെ അപേക്ഷ സമർപ്പിക്കണം. അപേക്ഷ നൽകാൻ വേണ്ട സാങ്കേതിക സഹായം സ്‌കൂൾ ഹെൽപ് ഡെസ്കിൽ നിന്നും ലഭിക്കുന്നതാണ്.

വി.എച്ച്.എസ്.ഇ. അഡ്മിഷൻ - മൂന്നാം അലോട്ട്മെൻറ്

വി.എച്ച്.എസ്.ഇ. അഡ്മിഷനുള്ള മൂന്നാം അലോട്ട്മെൻറ് പ്രസിദ്ധീകരിച്ചു. സെപ്റ്റംബർ 28   മുതൽ ഒക്ടോബർ 1 വരെ അഡ്മിഷൻ എടുക്കാം. www.vhscap.kerala.gov.in എന്ന അഡ്മിഷൻ വെബ്‌സൈറ്റിൽ നിന്നും അലോട്ട്മെൻറ് സ്ലിപ്പ് ഡൗൺലോഡ് ചെയ്തെടുത്ത് യോഗ്യത തെളിയിക്കുന്ന സർട്ടിഫിക്കറ്റുകളുമായി ഒക്ടോബർ 1  ന് 4  മണിക്ക് മുൻപായി സ്‌കൂളിൽ എത്തി പ്രവേശനം നേടാവുന്നതാണ്. അഡ്മിഷന് ഹാജരാകുമ്പോൾ, വിദ്യാർത്ഥി അപേക്ഷയിൽ അവകാശപ്പെട്ട എല്ലാ വിവരങ്ങളും തെളിയിക്കുന്നതിനുള്ള സർട്ടിഫിക്കറ്റുകൾ ഹാജരാക്കുക. അലോട്ട്മെൻറ് ലഭിച്ച വിദ്യാർത്ഥികൾ സ്ഥിരപ്രവേശനം നേടേണ്ടതാണ്.

കൂടുതൽ വിവരങ്ങൾക്ക്  www.vhscap.kerala.gov.in സന്ദർശിക്കുക.

വി.എച്ച്.എസ്.ഇ. അഡ്മിഷൻ - രണ്ടാം അലോട്ട്മെൻറ്

വി.എച്ച്.എസ്.ഇ. അഡ്മിഷനുള്ള രണ്ടാം അലോട്ട്മെൻറ് പ്രസിദ്ധീകരിച്ചു. സെപ്റ്റംബർ 23  മുതൽ 25  വരെ അഡ്മിഷൻ എടുക്കാം. www.vhscap.kerala.gov.in എന്ന അഡ്മിഷൻ വെബ്‌സൈറ്റിൽ നിന്നും അലോട്ട്മെൻറ് സ്ലിപ്പ് ഡൗൺലോഡ് ചെയ്തെടുത്ത് യോഗ്യത തെളിയിക്കുന്ന സർട്ടിഫിക്കറ്റുകളുമായി സെപ്റ്റംബർ 25  ന് 4  മണിക്ക് മുൻപായി സ്‌കൂളിൽ എത്തി പ്രവേശനം നേടാവുന്നതാണ്. അഡ്മിഷന് ഹാജരാകുമ്പോൾ, വിദ്യാർത്ഥി അപേക്ഷയിൽ അവകാശപ്പെട്ട എല്ലാ വിവരങ്ങളും തെളിയിക്കുന്നതിനുള്ള സർട്ടിഫിക്കറ്റുകൾ ഹാജരാക്കുക. താൽക്കാലിക പ്രവേശനം നേടുമ്പോൾ വിദ്യാർത്ഥി ഫീസ് നൽകേണ്ടതില്ല. എന്നാൽ സ്ഥിരപ്രവേശനം നേടുമ്പോൾ നിശ്ചിതഫീസ് നൽകണം. 

കൂടുതൽ വിവരങ്ങൾക്ക്  www.vhscap.kerala.gov.in സന്ദർശിക്കുക.

വി.എച്ച്.എസ്.ഇ. ഏകജാലക പ്രവേശനം - ഒന്നാം അലോട്ട്മെൻറ്

വി.എച്ച്.എസ്.ഇ. ഒന്നാം വർഷ ഏകജാലക പ്രവേശനത്തിനുള്ള അലോട്ട്മെൻറ് പ്രസിദ്ധീകരിച്ചു. സെപ്റ്റംബർ 14 മുതൽ 18 വരെ അഡ്മിഷൻ എടുക്കാം. www.vhscap.kerala.gov.in എന്ന അഡ്മിഷൻ വെബ്‌സൈറ്റിൽ നിന്നും അലോട്ട്മെൻറ് സ്ലിപ്പ് ഡൗൺലോഡ് ചെയ്തെടുത്ത് യോഗ്യത തെളിയിക്കുന്ന സർട്ടിഫിക്കറ്റുകളുമായി സെപ്റ്റംബർ 18 ന് 2 മണിക്ക് മുൻപായി സ്‌കൂളിൽ എത്തി പ്രവേശനം നേടാവുന്നതാണ്.

കൂടുതൽ വിവരങ്ങൾക്ക്  www.vhscap.kerala.gov.in സന്ദർശിക്കുക.

വി.എച്ച്.എസ്.ഇ. 2020-21 പ്രവേശന നടപടികൾ ആരംഭിച്ചു

അപേക്ഷ സ്വീകരിക്കുന്ന അവസാന തിയതി: 14.08.2020 

Covid -19 പ്രോട്ടോക്കോൾ നിലനിൽക്കുന്നതിനാൽ സംസ്ഥാനത്തെ മുഴുവൻ വൊക്കേഷണൽ ഹയർസെക്കണ്ടറി സ്‌കൂളുകളിലേക്കും ഓൺലൈൻ സംവിധാനത്തിലാണ് പ്രവേശന നടപടികൾ തീരുമാനിച്ചിട്ടുള്ളത്.

അപേക്ഷ സമർപ്പണത്തിനു വേണ്ടിയുള്ള നിർദേശങ്ങൾ:

👉വി.എച്ച്.എസ്.ഇ. യുടെ അഡ്മിഷൻ സൈറ്റ് ആയ www.vhscap.kerala.gov.in ൽ കയറി Apply Online എന്ന ലിങ്കിലൂടെ അപേക്ഷകൾ സമർപ്പിക്കാവുന്നതാണ്.

👉കേരളത്തിലെ ഏതു വി.എച്ച്.എസ്.ഇ സ്‌കൂളുകളിലേക്കും പ്രവേശനം നേടുന്നതിന് Online സംവിധാനത്തിലൂടെ ശരിയായ വിവരങ്ങൾ മാത്രം രേഖപ്പെടുത്തി ഒറ്റ തവണ മാത്രം അപേക്ഷിക്കുക.

👉ഓൺലൈൻ അപേക്ഷയിൽ അഡ്മിഷൻ ലഭിക്കുവാൻ ആഗ്രഹിക്കുന്ന സ്കൂളുകൾ, കോഴ്‌സുകൾ എന്നിവ മുൻഗണനാക്രമത്തിൽ ഓപ്ഷൻ നൽകുക

👉 അപേക്ഷയോടൊപ്പം യാതൊരുവിധ രേഖകളും അപ്‌ലോഡ് ചെയ്യേണ്ടതില്ല.

👉 അപേക്ഷയുടെ പ്രിൻറ്ഔട്ട് സൂക്ഷിച്ചു വെക്കുക.

👉സ്കൂളുകളിൽ പ്രവേശനം നേടുന്ന സമയത്തു അപേക്ഷയുടെ പ്രിൻറ്ഔട്ട്, യോഗ്യതാ സർട്ടിഫിക്കറ്റുകൾ, മറ്റു രേഖകൾ എന്നിവക്കൊപ്പം അപേക്ഷാ ഫീസായ 25 രൂപയും നൽകേണ്ടതാണ്.

👉 അപേക്ഷ സമർപ്പിക്കുന്നതിന് മുമ്പ് പ്രോസ്പെക്ടസ് നന്നായി വായിക്കുക.

👉വിവിധ സ്കൂളുകളുടെ കോഴ്സുകളും കോഡുകളും പ്രോസ്‌പെക്ടസിൽ ലഭ്യമാണ്.

👉 സംശയ നിവാരണത്തിനായി വി.എച്ച്.എസ്.ഇ. സ്കൂളിൽ പ്രവർത്തിക്കുന്ന Help Desk മായി ബന്ധപ്പെടാവുന്നതാണ്.

അപേക്ഷ നൽകേണ്ട വെബ്‌സൈറ്റ്:

www.vhscap.kerala.gov.in

കോഴ്‌സ് വിവരങ്ങൾ:

സ്‌കൂൾ: GVHSS Perinthalmanna

സ്‌കൂൾ കോഡ്: 910009

കോഴ്‌സുകൾ:

(1) Frontline Health Worker (FHW) കോഴ്സ് കോഡ്: 31

(2) Medical Equipment Technician (MET) കോഴ്സ് കോഡ്: 34

സബ്ജക്റ്റ്‌ കോമ്പിനേഷൻ: English, Entrepreneurship Development, Physics, Chemistry & Biology

താല്പര്യമുണ്ടെങ്കിൽ മാത്‍സ് അഡീഷണൽ ആയി പഠിക്കാവുന്നതാണ്.

ജോബ് റോൾ:

Frontline Health Worker (FHW): 

ദേശീയ ആരോഗ്യപ്രവർത്തനങ്ങൾക്ക് മുൻനിരയായി പ്രവർത്തിക്കുകയും healthcare services നല്കുകയുമാണ് ജോലി. ക്ലിനിക്കുകൾ, ആശുപത്രികൾ, ലബോറട്ടറികൾ എന്നിവിടങ്ങളിൽ ജോലി സാധ്യത.

Medical Equipment Technician (MET):
മെഡിക്കൽ ഉപകരണങ്ങളുടെ inspection, maintenance, repair ഇവ ചെയ്യുകയാണ് ജോലി. മെഡിക്കൽ ഉപകരണങ്ങൾ നിർമ്മിക്കുന്ന കമ്പനികൾ, ആശുപത്രികൾ, ക്ലിനിക്കുകൾ, ലബോറട്ടറികൾ എന്നിവിടങ്ങളിൽ ജോലി സാധ്യത.

ഉപരിപഠന സാധ്യതകൾ:

1. MBBS, BDS, Ayurveda, Homoeo, Siddha, Unani, Agriculture, Forestry, Veterinary, Fisheries and Pharmacy Professional courses.

2. Engineering courses (If Additional Maths is taken)

3. Paramedical Degree courses

4. Paramedical Diploma courses

5. Any other Degree courses

6. Polytechnic Diploma courses

കൂടുതൽ വിവരങ്ങൾക്ക് വിളിക്കുക:

04933-226802 (പ്രവൃത്തിദിവസങ്ങളിൽ 10am മുതൽ 5pm വരെ)

ഒന്നാം വർഷ റിസൾട്ട് പ്രഖ്യാപിച്ചു

വി.എച്ച്.എസ്.ഇ. ഒന്നാം വർഷ റിസൾട്ട് പ്രഖ്യാപിച്ചു. പെരിന്തൽമണ്ണ വി.എച്ച്.എസ്.ഇ. ക്ക് 89.47% വിജയം. എം.എൽ.ടി. കോഴ്‌സിൽ 96.67% വിജയവും ബി.ഇ.ടി. യിൽ 81.48% വിജയവും ആണ് ലഭിച്ചത്. ഗ്രേയ്സ് മാർക്ക് ഒന്നും തന്നെ ലഭിക്കാതെയുള്ള സ്‌കൂളിന്റെ വിജയം പ്രത്യേകം എടുത്തു പറയേണ്ടതുണ്ട്. എം.എൽ.ടി. യിൽ ഫാഹിയ.കെ.പി. യും ബി.ഇ.ടി. യിൽ അർച്ചന.സി. യും ഒന്നാം സ്ഥാനത്തെത്തി.

നവീനം 2020 - അഡ്മിഷൻ വീഡിയോ

വി.എച്ച്.എസ്.ഇ. അഡ്മിഷനുമായി ബന്ധപ്പെട്ട നവീനം 2020 വീഡിയോ കാണാൻ ഇവിടെ ക്ലിക്ക് ചെയ്യുക.

കേരളത്തിലെ വി.എച്ച്.എസ്.ഇ. വിദ്യാലയങ്ങൾ ഇനി ദേശീയ കരിക്കുലത്തിലേക്ക്

പത്താംക്ലാസ് കഴിഞ്ഞ കുട്ടികള്‍ക്ക് കേരള സര്‍ക്കാര്‍ പൊതുവിദ്യാലയങ്ങളില്‍ ഹയര്‍ സെക്കണ്ടറി തലത്തില്‍ പഠനത്തോടൊപ്പം നൈപുണി പരിശീലനവും ലഭ്യമാക്കുന്നു.

2018 - 19 അധ്യയന വര്‍ഷമാണ് 66 സ്‌ക്കൂളുകളില്‍ ഹയര്‍ സെക്കണ്ടറി തലത്തില്‍ National Skill Qualification Framework (NSQF) അധിഷ്ഠിത വൊക്കേഷണല്‍ കോഴ്‌സുകള്‍ ആരംഭിച്ചത്. ദേശീയ അംഗീകാരമുള്ള ഈ സര്‍ട്ടിഫിക്കറ്റുമായി NSQF ആദ്യ ബാച്ച് കുട്ടികള്‍ ഈ വര്‍ഷം പുറത്തിറങ്ങിക്കഴിഞ്ഞു. സര്‍ക്കാര്‍-അര്‍ദ്ധ സര്‍ക്കാര്‍-സ്വകാര്യ ജോലികള്‍ക്ക് NSQF സര്‍ട്ടിഫിക്കറ്റുകള്‍ പരിഗണിക്കണമെന്ന് കേന്ദ്രസര്‍ക്കാര്‍ നിര്‍ദ്ദേശം ഈ കുട്ടികള്‍ക്ക് ഏറെ പ്രയോജനകരമാണ്. കൂടാതെ, ഹയര്‍ സെക്കണ്ടറി സര്‍ട്ടിഫിക്കറ്റ് ലഭിക്കുന്നതിനാല്‍ അതാത് വിഷയങ്ങളുമായി ബന്ധപ്പെട്ട തുടര്‍ പഠന സാധ്യതകള്‍ എല്ലാം നിലനില്‍ക്കുന്നു.

ഗുണമേന്മയുള്ള നൈപുണി പരിശീലനം ഉറപ്പാക്കുന്നതിന് കേരള സര്‍ക്കാര്‍ പ്രശസ്ത തൊഴില്‍ശാലകളുടെ പരിശീലന പങ്കാളിത്തത്തോടുകൂടിയാണ് ഈ കുട്ടികളെ പരിശീലിപ്പിക്കുന്നത്. ഇത് കൂടുതല്‍ തൊഴിലവസരങ്ങള്‍ ലഭ്യമാക്കുന്നു. NAPS സ്‌കീം വഴി സ്‌റ്റൈപ്പന്റോടുകൂടി ഇവര്‍ക്ക് വ്യത്യസ്ത തൊഴില്‍ശാലകളില്‍ അപ്രെന്റിസ് ട്രയിനിങ് ലഭിക്കുതിനുള്ള അവസരവും നിലനില്‍ക്കുന്നു.

ഈ അക്കാദമിക വര്‍ഷം സംസ്ഥാന സര്‍ക്കാര്‍ 389 സ്‌ക്കൂളുകളില്‍ ഹയര്‍ സെക്കന്ററി തലത്തില്‍ 1101 ബാച്ചുകളിലായി NSQF അധിഷ്ഠിതമായതോ നൈപുണി പരിശീലനത്തിലധിഷ്ഠിതമായതോ ആയ വിവിധ തരത്തിലുള്ള തൊഴിലധിഷ്ഠിത കോഴ്‌സുകള്‍ ആരംഭിക്കുന്നു.

◆ ആഗോള തൊഴില്‍ മേഖലകളിലെ ഏറ്റവും പുതിയ സാങ്കേതിക വിദ്യകള്‍ ഉള്‍പ്പെടുന്ന സിലബസ്.

◆കേരളത്തിലെ പ്രൊഫഷണല്‍/പോളിടെക്‌നിക് കോഴ്‌സുകള്‍ക്ക് റിസര്‍വേഷന്‍.

◆ നൈപുണി പരിശീലനം-വെറും ക്ലാസ്‌റൂം പഠനം മാത്രമല്ല.

◆പഠിക്കുന്ന കോഴ്‌സില്‍ ആഭിമുഖ്യം വളര്‍ത്തുന്നതിനും ബന്ധപ്പെട്ട തൊഴില്‍ സാഹചര്യങ്ങള്‍ പരിചയപ്പെടുന്നതിനും വിദ്യാലയത്തിനു പുറത്ത് വിദ്യാര്‍ത്ഥികള്‍ക്ക് അവസരമൊരുക്കുന്നതിനും Industry Institute Interaction Cell (III cell) ഡയറക്ടറേറ്റ് തലത്തില്‍ പ്രവര്‍ത്തിക്കുന്നു.

◆ സ്‌കൂള്‍ തലത്തില്‍ ഉത്പാദന പരിശീലന കേന്ദ്രങ്ങള്‍.

◆മാറുന്ന ലോകത്തിന്റെ മികച്ച തൊഴിലവസരങ്ങളെക്കുറിച്ചും ഉപരിപഠന സാധ്യതകളെക്കുറിച്ചും വിദ്യാര്‍ത്ഥികളില്‍ അവബോധം സൃഷ്ടിക്കുന്നതിന് സംസ്ഥാന തലത്തില്‍ കരിയര്‍ ഗൈഡന്‍സ് ആന്റ് കൗണ്‍സിലിംഗ് സെല്‍ പ്രവര്‍ത്തിക്കുന്നു.

◆എല്ലാ റീജണല്‍ തലത്തിലും കോഴ്‌സ് പാസ്സായ വിദ്യാര്‍ത്ഥികള്‍ക്ക് വകുപ്പു തലത്തില്‍ തൊഴില്‍മേള സംഘടിപ്പിക്കുന്നു.

◆ ഇന്‍ഡസ്ട്രിയല്‍/ഫീല്‍ഡ് വിസിറ്റ് സംഘടിപ്പിക്കുന്നു.

താഴെപ്പറയുന്ന സെക്ടറുകളിലാണ് ഈ അധ്യയന വര്‍ഷത്തില്‍ കോഴ്‌സുകള്‍ ആരംഭിക്കുന്നത്:

അഗ്രികള്‍ച്ചര്‍, ഇലക്ട്രോണിക്‌സ് & ഹാര്‍ഡ്‌വെയര്‍, മീഡിയ & എന്റര്‍ടൈന്‍മെന്റ്, IT - IT അധിഷ്ഠിത സര്‍വ്വീസുകള്‍, പവര്‍സെക്റ്റർ, ഓട്ടോമോട്ടീവ്, കണ്‍സ്ട്രക്ഷന്‍, ടെക്‌സ്റ്റൈല്‍സ് & ഹാന്റ്‌ലൂം, അപ്പാരല്‍, കെമിക്കല്‍ & പെട്രൊകെമിക്കല്‍, ടെലികോം, ഇന്ത്യന്‍ പ്ലംബിങ്ങ് അസോസിയേഷന്‍, ഹെല്‍ത്ത് കെയര്‍, ബ്യൂട്ടി & വെല്‍നെസ്, ഫുഡ് ഇൻഡസ്ട്രി, കപ്പാസിറ്റി & സ്‌കില്‍ ഇനിഷിയേറ്റിവ്, സ്‌പോര്‍ട്‌സ്, ബാങ്കിങ്ങ് ഫിനാന്‍ഷ്യല്‍ സര്‍വീസസ് & ഇന്‍ഷൂറന്‍സ്, ഓഫീസ് അഡ്മിനിസ്‌ട്രേഷന്‍ & ഫെസിലിറ്റി മാനേജ്‌മെന്റ് etc.

.

അപേക്ഷ നല്‍കേണ്ടത്: www.vhscap.kerala.gov.in