ഹാപ്പി ലേർണിംഗ് - ഡിസംബർ 4, 2019

വിദ്യാർത്ഥികളെ പൊതുപരീക്ഷ അഭിമുഖീകരിക്കാൻ സജ്ജമാക്കുന്ന 'ഹാപ്പി ലേർണിംഗ്' ക്ലാസ് വിദ്യാലയത്തിൽ നടന്നു. ആനക്കയം കെ.പി.പി.എം.കോളേജ് ഓഫ് ടീച്ചർ എഡ്യൂക്കേഷൻ പ്രിൻസിപ്പൽ കെ.വി. ദേവാനന്ദൻ ക്ലാസ് കൈകാര്യം ചെയ്തു. പരീക്ഷാ പഠനത്തിന് വിദ്യാർത്ഥികൾക്ക് ഉപകാരപ്രദമായ സമയക്രമം, പഠനത്തിൽ ശ്രദ്ധ കേന്ദ്രീകരിക്കാനുള്ള ടെക്നിക്കുകൾ എന്നിവയെ കുറിച്ച് അദ്ദേഹം ക്ലാസിൽ പ്രതിപാദിച്ചു. പ്രിൻസിപ്പൽ വിജീഷ്.കെ., കരിയർ മാസ്റ്റർ അരുൺ.പി.ശങ്കർ തുടങ്ങിയവർ പങ്കെടുത്തു.

ഫേസ് റ്റു ഫേസ്: II - നവംബർ 30, 2019

വിദ്യാർത്ഥികളിൽ സംരംഭകത്വം വളർത്തുന്നതിനും സ്വയംതൊഴിലിനോട് കൂടുതൽ ആഭിമുഖ്യം ഉണ്ടാക്കുന്നതിനും ഇത്തരം മേഖലയിലെ പ്രവർത്തന മികവ് കാഴ്ച വെച്ച സംരംഭകനും സ്‌കൂളിലെ പൂർവ വിദ്യാർത്ഥിയുമായ  ഹാഷിം ഇർഷാദ് വിദ്യാർത്ഥികളുമായി സംവദിച്ചു. പ്രിൻസിപ്പൽ വിജീഷ്.കെ., കരിയർ മാസ്റ്റർ അരുൺ.പി.ശങ്കർ, അധ്യാപികയായ അമ്പിളി നാരായണൻ എന്നിവർ പങ്കെടുത്തു. 

വിദ്യാലയം പ്രതിഭകളിലേക്ക് - നവംബർ 27, 2019

പൊതുവിദ്യാഭ്യാസ സംരക്ഷണ യജ്ഞത്തോടനുബന്ധിച്ചു 'വിദ്യാലയം പ്രതിഭകളോടൊപ്പം'  എന്ന പരിപാടിയിൽ ദേശിയ, സംസ്ഥാന പുരസ്‌കാര ജേതാവ് ശ്രീ. കെ. ആർ. രവിയെ ആദരിച്ചു. സാമൂഹ്യ സേവനരംഗത്ത് വ്യക്തിമുദ്ര പതിപ്പിച്ച ശ്രീ. കെ. ആർ. രവി ആദിവാസി മേഖലയിൽ നടത്തിയ സേവന പ്രവർത്തനങ്ങൾക്കാണ് വിവിധ പുരസ്കാരങ്ങൾ ലഭിച്ചത്. അധ്യാപകരായ ശ്രീമതി. അമ്പിളി നാരായണൻ, ശ്രീ. ഷിഹാബുദീൻ. വി.കെ. , ശ്രീമതി. താജുന്നീസ തുടങ്ങിയവർ പങ്കെടുത്തു.

ഓൺ ദ ജോബ് ട്രെയിനിങ്

വിദ്യാർത്ഥികളുടെ പഠനപ്രവർത്തനത്തിന്റെ ഭാഗമായ ഹോസ്പിറ്റൽ ട്രെയിനിങ് ഒന്നാം വർഷ വിദ്യാർത്ഥികൾക്ക് പെരിന്തൽമണ്ണ മൗലാനാ ഹോസ്പിറ്റലിലും രണ്ടാം വർഷ വിദ്യാർത്ഥികൾക്ക് പെരിന്തൽമണ്ണ കിംസ് അൽഷിഫ ഹോസ്പിറ്റലിലും നടത്തി. ഒന്നാം വർഷ വിദ്യാർത്ഥികൾക്ക് ഒക്ടോബർ 14 മുതൽ 26 വരെയും രണ്ടാം വർഷ വിദ്യാർത്ഥികൾക്ക് നവംബർ 5 മുതൽ 19 വരെയുമാണ് നടന്നത്.

ഷീ ക്യാമ്പ് - ഒക്ടോബർ 30, 2019

വിദ്യാർത്ഥിനികളിലെ ആരോഗ്യ സംബന്ധമായ പ്രശ്നങ്ങളും അവയ്ക്കുള്ള ഉത്തരങ്ങളും ചർച്ച ചെയ്യുന്ന ബോധവൽക്കരണ പരിപാടി 'ഷീ ക്യാമ്പ്' പെരിന്തൽമണ്ണ ജനറൽ ഹോസ്പിറ്റലിലെ ആർ.എം.ഓ. ഡോ: ഇന്ദു.എസ്. ന്റെ നേതൃത്വത്തിൽ നടന്നു. കരിയർ മാസ്റ്റർ അരുൺ.പി.ശങ്കർ, അധ്യാപികമാരായ രാധിക.എം.ജി., അമ്പിളി നാരായണൻ തുടങ്ങിയവർ പങ്കെടുത്തു.

റീജിയണൽ എക്സ്പോ - ഒക്ടോബർ 28, 2019

കുറ്റിപ്പുറം റീജിയണൽ എക്സ്പോ കൊണ്ടോട്ടി ഗവ.വൊക്കേഷണൽ ഹയർസെക്കണ്ടറി സ്‌കൂളിൽ വെച്ച് നടന്നു. പെരിന്തൽമണ്ണ സ്‌കൂളിന്റെ സ്റ്റാളിൽ എം.എൽ.ടി. ബി.ഇ.ടി. സംബന്ധമായ ടെസ്റ്റുകളും പ്രദർശനവും ഒരുക്കിയിരുന്നു.

ഫേസ് റ്റു ഫേസ് - ഒക്ടോബർ 26, 2019

വിദ്യാർത്ഥികളിൽ ആത്മവിശ്വാസം വർദ്ധിപ്പിക്കുന്നതിനും വി.എച്ച്.എസ്.ഇ. യുടെ പ്രാധാന്യം ബോധ്യപ്പെടുത്തുന്നതിനുമായി ഫേസ് റ്റു ഫേസ് സംഘടിപ്പിച്ചു. മുക്കം കെ.എം.സി.ടി. കോളേജ് ഓഫ് അലൈഡ് ഹെൽത്ത് സയൻസ് ന്റെ ഡയറക്ടറും പൂർവ വി.എച്ച്.എസ്.ഇ. വിദ്യാർത്ഥിയുമായ ശ്രീ. സന്ദീപ് ക്ലാസെടുത്തു. പ്രിൻസിപ്പൽ വിജീഷ്.കെ., കരിയർ മാസ്റ്റർ അരുൺ.പി.ശങ്കർ തുടങ്ങിയവർ പങ്കെടുത്തു.

ഓൺ-ദ-ജോബ് ട്രെയിനിങ് ആരംഭിച്ചു

വിദ്യാർത്ഥികളുടെ പഠനപ്രവർത്തനത്തിന്റെ ഭാഗമായ ഓൺ-ദ-ജോബ് ട്രെയിനിങ് പെരിന്തൽമണ്ണ മൗലാനാ ആശുപത്രിയിൽ ആരംഭിച്ചു. ഒക്ടോബർ 14 മുതൽ 26 വരെയാണ് ട്രെയിനിങ്. ഈ ട്രെയിനിങ്ങിൽ ഒന്നാം വർഷ വിദ്യാർത്ഥികൾ ആണ് പങ്കെടുക്കുന്നത്. മെഡിക്കൽ ലബോറട്ടറി, ബയോമെഡിക്കൽ എന്നീ ഡിപ്പാർട്ടുമെന്റുകളിൽ ആണ് 12 ദിവസം നീണ്ടു നിൽക്കുന്ന ട്രെയിനിങ്.

രണ്ടാം വർഷ വിദ്യാർത്ഥികളുടെ ട്രെയിനിങ് നവംബർ 5 മുതൽ 19 വരെ പെരിന്തൽമണ്ണ കിംസ് അൽഷിഫ ആശുപത്രിയിൽ നടക്കും.

വൊക്കേഷണൽ എക്സ്പോ 2k19 - ഒക്ടോബർ 11, 2019

തൊഴിലധിഷ്ഠിത വിദ്യാഭ്യാസത്തിന്റെ സാധ്യതകളെ പൊതുജനങ്ങൾക്ക് മുൻപിൽ തുറന്നു കാണിക്കുവാനും ഈ മേഖലകളിൽ വിദ്യാർത്ഥികൾക്ക് പ്രായോഗിക ജ്ഞാനം ആർജിക്കുവാനും ഉതകുന്ന "വൊക്കേഷണൽ എക്സ്പോ" പെരിന്തൽമണ്ണ ഗവ: വൊക്കേഷണൽ ഹയർസെക്കണ്ടറി സ്‌കൂളിൽ നടന്നു.

പെരിന്തൽമണ്ണ നഗരസഭാ വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ കിഴിശ്ശേരി മുസ്തഫ എക്സ്പോ ഉദ്ഘാടനം ചെയ്തു. വാർഡ് കൗൺസിലർ  തെക്കത്ത് ഉസ്മാൻ അധ്യക്ഷനായിരുന്നു. പ്രിൻസിപ്പൽ രാജീവ് ബോസ്, എക്സ്പോ കോർഡിനേറ്റർ അമ്പിളി നാരായണൻ, പി.ടി.എ. പ്രസിഡൻറ് കിനാതിയിൽ സാലിഹ്, വൈസ് പ്രസിഡൻറ് അഹമ്മദ് ഹുസൈൻ, ഹയർസെക്കണ്ടറി പ്രിൻസിപ്പൽ എം.എസ്.ശോഭ, പ്രധാനാധ്യാപിക  വി.എം.സുനന്ദ, സ്റ്റാഫ് സെക്രട്ടറി രാധിക എന്നിവർ സംസാരിച്ചു. ബയോളജി അധ്യാപിക സജ്‌ന അമ്പലക്കുത്ത് "മൈക്രൊഗ്രീൻ ഫാർമിങ്" വിശദീകരിച്ചു.

മെഡിക്കൽ മേഖലയിൽ ഉപയോഗിക്കുന്ന വിവിധ ഉപകരണങ്ങളുടെ പ്രദർശനം, രക്തഗ്രൂപ്പ് നിർണ്ണയം, ഇ.സി.ജി., ബി.പി. പരിശോധനകൾ, കാർഡിയാക് മോണിറ്റർ, പീകോസ്‌കോപ് തുടങ്ങിയ നവീന ഉപകരണങ്ങളെ പരിചയപ്പെടുത്തൽ തുടങ്ങിയവ എക്സ്പോയുടെ ഭാഗമായി നടന്നു. കാർഷിക രംഗത്തെ പുതിയ കാൽവെയ്പ്പായ "മൈക്രോ ഗ്രീൻ ഫാർമിംഗ്" മേളയുടെ ആകർഷണമായി. കൂടാതെ വിവിധതരം ഹോംമെയ്ഡ് ഭക്ഷണങ്ങളുടെ പ്രദർശനവും വിൽപ്പനയും മേളയ്ക്ക് കൊഴുപ്പ് കൂട്ടി.

News @ Mathrubhumi Daily 12-10-2019

ജീവൻ രക്ഷാ പരിശീലനം - ഒക്ടോബർ 10, 2019

ഇന്ന് നിത്യ സംഭവമായ ആകസ്മിക മരണങ്ങൾ ഒരു പരിധി വരെ കുറക്കാൻ ജീവൻ രക്ഷാമാർഗ്ഗങ്ങൾ സഹായിക്കും. ഇത് ആരംഭിക്കേണ്ടത് ദൃക്‌സാക്ഷി തന്നെ ആണ്. പൊതു ജനങ്ങൾക്ക് ജീവൻ രക്ഷാപ്രവർത്തനങ്ങൾക്ക് പരിശീലനം നൽകുന്നതിന്റെ ഭാഗമായി വിദ്യാർത്ഥികൾക്കും അധ്യാപകർക്കും പരിശീലനം നൽകി. ഇന്ത്യൻ മെഡിക്കൽ അസോസിയേഷനും ഇന്ത്യൻ സൊസൈറ്റി ഓഫ് അനസ്‌തേഷ്യോളജിസ്റ്റും സംയുക്തമായാണ് പരിശീലനം സംഘടിപ്പിച്ചത്. മൗലാനാ ആശുപത്രിയിൽ നടന്ന പരിശീലനത്തിൽ പെരിന്തല്മണ്ണയുടെ പരിസരപ്രദേശത്തുള്ള സ്ഥാപനങ്ങളിലെ വിദ്യാർത്ഥികളും അധ്യാപകരും പങ്കെടുത്തു. വി.എച്ച്.എസ്.ഇ. യിൽ നിന്നും 10 വിദ്യാർത്ഥിനികളും 2 അധ്യാപകരും പരിശീലനത്തിൽ പങ്കെടുത്തു. ഡോ. കെ.എ. സീതി, ഡോ. ശശിധരൻ തുടങ്ങിയവർ ക്ലാസെടുത്തു.

ഗാന്ധി ജയന്തി

രാഷ്ട്രപിതാവിന്റെ 150ാം ജന്മവാർഷികം വിവിധ പരിപാടികളോടെ ആഘോഷിച്ചു. ക്ലാസ് റൂമുകളും പരിസരങ്ങളും വിദ്യാർത്ഥികളും അധ്യാപകരും വൃത്തിയാക്കി. സ്‌കൂൾ അസംബ്ലിയിൽ ശുചിത്വ പ്രതിജ്ഞ എടുത്തു. ഗാന്ധിജിയുടെ ആശയങ്ങളെ കുറിച്ച് എസ്. ചിന്മയ, കെ.പി. ഫാഹിയ എന്നീ വിദ്യാർത്ഥികൾ സംസാരിച്ചു. "എന്റെ ഗാന്ധിജി" എന്ന പേരിൽ പോസ്റ്റർ പ്രദർശനവും സംഘടിപ്പിച്ചു.

സ്‌കൂൾ തല കലാമേള ഉദ്ഘാടനം

സ്‌കൂൾ തല കലാമേളയുടെ ഉദ്ഘാടനം പെരിന്തൽമണ്ണ നഗരസഭാ ചെയർമാൻ മുഹമ്മദ് സലിം നിർവഹിച്ചു. വിദ്യാഭ്യാസ സ്റ്റാന്റിങ് കമ്മറ്റി ചെയർമാൻ കിഴിശ്ശേരി മുസ്തഫ അധ്യക്ഷനായിരുന്നു. വാർഡ് കൗൺസിലർ സുന്ദരൻ, പി.ടി.എ. പ്രസിഡന്റ് കിനാതിയിൽ സ്വാലിഹ്, ഹയർസെക്കണ്ടറി പ്രിൻസിപ്പൽ എം.എസ്.ശോഭ, ഹെഡ്‌മിസ്ട്രസ് വി.എം.സുനന്ദ, വി.എച്ച്.എസ്‌.ഇ. പ്രിൻസിപ്പൽ രാജീവ് ബോസ് എന്നിവർ പങ്കെടുത്തു.

പോസിറ്റീവ് പാരന്റിങ് - സെപ്റ്റംബർ 25, 2019

സ്‌കൂൾ കരിയർ ഗൈഡൻസ് സെല്ലിന്റെ ആഭിമുഖ്യത്തിൽ രക്ഷാകർത്താക്കൾക്കുള്ള ബോധവൽക്കരണ ക്ലാസ് "പോസിറ്റീവ് പാരന്റിങ്" നൽകി. മലപ്പുറം ജില്ലാ കരിയർ, സൗഹൃദ കോർഡിനേറ്റർ പി.ടി.അബ്രഹാം ക്ലാസ് കൈകാര്യം ചെയ്തു. കരിയർ മാസ്റ്റർ അരുൺ.പി.ശങ്കർ, സ്‌കൂൾ പ്രിൻസിപ്പൽ രാജീവ് ബോസ്, അധ്യാപിക അമ്പിളി നാരായണൻ എന്നിവർ സംസാരിച്ചു.  

Mathrubhumi Daily 26-09-2019

സ്‌കൂൾ പാർലമെന്റ് ഇലക്ഷൻ 2019

25-09-2019 ന് നടന്ന സ്‌കൂൾ പാർലമെന്റ് തിരഞ്ഞെടുപ്പിൽ വി.എച്ച്.എസ്.ഇ. യിൽ നിന്നും തിരഞ്ഞെടുക്കപ്പെട്ടവർ:

ഒന്നാം വർഷം BET - ഗൗതം കൃഷ്‌ണ. സി.

ഒന്നാം വർഷം MLT - ഫാത്തിമ അഫ്‌നാൻ

രണ്ടാം വർഷം BET - അസ്ഫാ മുനാസ് 

രണ്ടാം വർഷം MLT - ഫാത്തിമ ഹിബ

ഇനി മേളകളുടെ കാലം

സ്‌കൂൾതല മേളകൾ സെപ്റ്റംബർ 24 മുതൽ ആരംഭിക്കും. സെപ്റ്റംബർ 24-ന് ശാസ്ത്ര ഗണിതശാസ്ത്ര പ്രവർത്തിപരിചയ ഐടി മേളകൾ നടക്കും. 26, 27 തീയതികളിൽ സ്കൂൾതല കലാമേള നടക്കും. 26-ന് പെരിന്തൽമണ്ണ നഗരസഭാ ചെയർമാൻ ശ്രീ.മുഹമ്മദ് സലിം മേള ഉദ്ഘാടനം ചെയ്യും. ഒക്ടോബർ 1-ന് സ്കൂൾതല സ്പോർട്സ് മേളയും നടക്കും.

ലാളിത്യം കൊണ്ട് വ്യത്യസ്തമായ ഒരു ഓണാഘോഷം

കേരളം പ്രളയക്കെടുതികളിൽ നിന്ന് കരകയറിക്കൊണ്ടിരിക്കുന്ന ഈ അവസരത്തിൽ ലളിതമായി ഓണാഘോഷം മതി എന്നു നേരത്തെ തന്നെ തീരുമാനിച്ചിരുന്നു. പരിസ്ഥിതിക്ക് കോട്ടം തട്ടാതെ ആയിരിക്കണം ഓണാഘോഷം എന്നുള്ള ആശയം "ഡിജിറ്റൽ പൂക്കളം" നിർമിച്ച് വിദ്യാർഥികൾ പ്രാവർത്തികമാക്കി. ഓണാഘോഷത്തിനായി കരുതി വെച്ച പണം വിദ്യാർഥികൾ മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകും. ആഘോഷങ്ങളുടെ ഭാഗമായി വിദ്യാർഥികൾ നാടൻ കലാപരിപാടികൾ അവതരിപ്പിച്ചു. അധ്യാപകരുടെ വകയായി പായസവും നൽകി.

പെരിന്തൽമണ്ണ ഗവ. വൊക്കേഷണൽ ഹയർസെക്കണ്ടറി സ്‌കൂളിൽ ഇനി "ദ ഹിന്ദു" വും

വിദ്യാർത്ഥികളിൽ ഇംഗ്ളീഷ് ഭാഷ പരിപോഷിപ്പിക്കുന്നതിന്റെ ഭാഗമായി സ്‌കൂളിൽ "ദ ഹിന്ദു" പത്രം വിതരണം ആരംഭിച്ചു. സ്‌കൂളിലെ പൂർവ-വിദ്യാർത്ഥി കൂട്ടായ്മയായ "എന്റെ വിദ്യാലയം" യു.ഏ.ഇ. ചാപ്റ്റർ ആണ് ഈ സംരംഭത്തിന് നേതൃത്വം നൽകുന്നത്. സ്‌കൂൾ അസംബ്ലിയിൽ വെച്ച് നടന്ന ചടങ്ങിൽ അലുമ്‌നി അസോസിയേഷൻ കൺവീനർ റഫീക്ക് സക്കറിയ സ്‌കൂൾ ലീഡർ അസിൻ ന് പത്രം കൈമാറി പദ്ധതി ഉദ്ഘാടനം ചെയ്തു.

ഹയർസെക്കണ്ടറി പ്രിൻസിപ്പൽ എം.എസ്.ശോഭ അധ്യക്ഷത വഹിച്ച ചടങ്ങിൽ  വി.എച്ച്.എസ്.ഇ. പ്രിൻസിപ്പൽ രാജീവ് ബോസ്, ഹെഡ്മിസ്ട്രസ് വി.എം.സുനന്ദ, അധ്യാപകരായ പി.ടി.തോമസ്, കെ.രാമൻ കുട്ടി, എം.ജി.രാധിക, സി.എം.മഞ്ജുഷ, അലുമ്‌നി അസോസിയേഷൻ പ്രതിനിധി ടി.ടി.സക്കീർ എന്നിവർ സംസാരിച്ചു.

അക്ഷരക്കൂട്ട്: ക്ലാസ് ലൈബ്രറി - ജൂലൈ 18, 2019

വിദ്യാർത്ഥികളിൽ വായനാശീലം വർധിപ്പിക്കുന്നതിന്റെ ഭാഗമായി വി.എച്ച്.എസ്.ഇ. ക്ലാസ് ലൈബ്രറി "അക്ഷരക്കൂട്ട്" ആരംഭിച്ചു. പെരിന്തൽമണ്ണ നഗരസഭാ വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ കിഴിശ്ശേരി മുസ്തഫ ചടങ്ങ് ഉദ്ഘാടനം ചെയ്തു. വിദ്യാർത്ഥികൾക്ക് വായിക്കാനുള്ള ഒരിടം എന്ന ആശയത്തിൽ ഒരു റീഡിങ് കോർണർ കൂടി ഇതോടൊപ്പം ആരംഭിച്ചിട്ടുണ്ട്. ചടങ്ങിൽ വി.എച്ച്.എസ്.ഇ. പ്രിൻസിപ്പൽ രാജീവ് ബോസ് അധ്യക്ഷത വഹിച്ചു. ഹയർസെക്കണ്ടറി പ്രിൻസിപ്പൽ ശോഭ.എം.എസ്., ഹെഡ്മിസ്ട്രസ് സുനന്ദ.വി.എം., അധ്യാപകരായ അമ്പിളി നാരായണൻ, ഷെഫ്‌ലിൻ.എൻ.എ., വിദ്യാർത്ഥിനി ആര്യ ശങ്കർ എന്നിവർ സംസാരിച്ചു. 

"അക്ഷരക്കൂട്ടി"ന്റെ നിർവഹണം മുഴുവനായും വിദ്യാർഥികളുടെ ചുമതലയിലാണ്. കുട്ടികളിൽ നിന്നും അധ്യാപകരിൽ നിന്നും സമാഹരിച്ച ഇരുനൂറോളം പുസ്തകങ്ങൾ ആണ് ഇപ്പോൾ ലൈബ്രറിയിൽ ഉള്ളത്. പുസ്തകം ഇഷ്യൂ ചെയ്യുന്നതും, സ്റ്റോക്കിൽ ചേർക്കുന്നതും പുസ്തകങ്ങളുടെ ഓഡിറ്റിങ്ങും വിദ്യാർത്ഥികളാണ് നിർവഹിക്കുന്നത്. വായനയോടൊപ്പം ലൈബ്രറിയുടെ പ്രവർത്തനരീതി സ്വയം മനസ്സിലാക്കുക എന്നതും ഈ പ്രവർത്തനത്തിന്റെ ലക്‌ഷ്യം ആണ്.

ദിനപത്രങ്ങളും, ആനുകാലികങ്ങളും പുസ്തകങ്ങളും വായിക്കാൻ വിദ്യാർത്ഥികൾക്ക് അവസരം നൽകുക  എന്നതാണ് റീഡിങ് കോർണറിന്റെ ഉദ്ദേശ്യം. വിദ്യാർത്ഥികൾക്ക് വായനയ്ക്കായി വിവിധ മലയാളം ദിനപത്രങ്ങളും ഒരു ഇംഗ്ലീഷ് ദിനപത്രവും ഇപ്പോൾ റീഡിങ് കോർണറിൽ ലഭ്യമാണ്.

വിജയപഥം: രക്ഷിതാക്കൾക്കുള്ള ബോധവൽക്കരണ ക്ലാസ് - ജൂലൈ 5, 2019

പെരിന്തൽമണ്ണ നഗരസഭയുടെ വിജയപഥം പദ്ധതിയുടെ ഭാഗമായി രക്ഷാകർത്താക്കൾക്കുള്ള ബോധവൽക്കരണ ക്ലാസ് നൽകി. നഗരസഭാ വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ കിഴിശ്ശേരി മുസ്തഫ ഉദ്ഘാടനം ചെയ്തു. ഹയർസെക്കണ്ടറി പ്രിൻസിപ്പൽ എം.എസ്‌. ശോഭ, വി.എച്ച്.എസ്.ഇ. പ്രിൻസിപ്പൽ രാജീവ് ബോസ്, ഹയർസെക്കണ്ടറി അദ്ധ്യാപകൻ പി.ടി.തോമസ് എന്നിവർ പങ്കെടുത്തു. പെരിന്തൽമണ്ണ മോഡൽ ഹയർസെക്കണ്ടറി സ്‌കൂൾ അദ്ധ്യാപകനായ പി.ടി.അബ്രഹാം ക്ലാസെടുത്തു.

വിജയപഥം: കുട്ടികൾക്കുള്ള മോട്ടിവേഷൻ ക്ലാസ് - ജൂലൈ 4, 2019

പെരിന്തൽമണ്ണ നഗരസഭയുടെ വിജയപഥം പദ്ധതിയുടെ ഭാഗമായി 11, 12 ക്ലാസുകളിലെ വിദ്യാർത്ഥികൾക്ക് മോട്ടിവേഷൻ ക്ളാസുകൾ നൽകി. പെരിന്തൽമണ്ണ മോഡൽ ഹയർസെക്കണ്ടറി അദ്ധ്യാപകനായ പി.ടി.അബ്രഹാം ക്ലാസ് കൈകാര്യം ചെയ്തു. ഹയർസെക്കണ്ടറി പ്രിൻസിപ്പൽ എം.എസ്.ശോഭ ഉദ്ഘാടനം ചെയ്തു. അദ്ധ്യാപകരായ പി.ടി.തോമസ്, അമ്പിളി നാരായണൻ എന്നിവർ നേതൃത്വം നൽകി.

സൈബർ ലോകത്തിലെ കാണാക്കയങ്ങൾ: സെമിനാർ - ജൂലൈ 1, 2019

കേരള സംസ്ഥാന വനിതാ കമ്മീഷന്റെ ആഭിമുഖ്യത്തിൽ സൈബർ സുരക്ഷയെ കുറിച്ച് സെമിനാർ സംഘടിപ്പിച്ചു. സ്റ്റേറ്റ് ഫാക്കൽറ്റി ആയ ജിഷ മനോജ് ക്ലാസെടുത്തു. മുഖ്യാതിഥി ഇ.എം.രാധ ടീച്ചർ ഉദ്ഘാടനം ചെയ്തു. ഹെഡ്മിസ്ട്രസ് വി.എം.സുനന്ദ, ഹയർസെക്കണ്ടറി പ്രിൻസിപ്പൽ എം.എസ്.ശോഭ, വി.എച്ച്.എസ്.ഇ. പ്രിൻസിപ്പൽ രാജീവ് ബോസ് എന്നിവർ സംസാരിച്ചു. സ്റ്റേറ്റ് കോർഡിനേറ്റർ എസ്.ബിജു സംബന്ധിച്ചു.